ايماقتار • 06 جەلتوقسان، 2019

34 مىڭنان استام ماڭعىستاۋلىق كوپبالالى وتباسى جاڭا مەملەكەتتىك جاردەماقى الاتىن بولادى

69 رەتكورسەتىلدى

بۇل تۋرالى «وڭىرلىك كوممۋنيكاتسيالار قىزمەتى» الاڭىندا ماڭعىستاۋ وبلىستىق الەۋمەتتىك باعدارلامالار جانە جۇمىسپەن قامتۋدى ۇيلەستىرۋ باسقارماسى باسشىسىنىڭ ورىنباسارى قاراشاش نۇرمامەدوۆا ءمالىم ەتتى.

مەملەكەتتىك جاردەماقى 4 نەمەسە ودان دا كوپ كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن بالالارى بار بارلىق كوپبالالى وتباسىلارعا تابىسىنا قاراماستان تولەنەدى دەپ جوسپارلانۋدا. مەملەكەتتىك جاردەماقىنىڭ مولشەرى بالا سانىنا قاراي سارالانادى. ياعني، 4 بالاسى بار وتباسىلارعا 42 496 تەڭگە، 5 بالاعا – 53 127 تەڭگە، 6 بالاعا – 63 757 تەڭگە، 7 جانە ودان دا كوپ بالالارعا 74 388 تەڭگە تولەنەدى.

ورتا ەسەپپەن العاندا، جاردەماقى مولشەرى ءار بالاعا 10-11 مىڭ تەڭگەنى قۇرايدى، بۇل 2018 جىلدان باستاپ تاعايىندالمايتىن وسىعان ۇقساس جاردەماقىدان 4-7 ەسەگە كوپ.

ااك تابىسى از وتباسىلارعا، سونىڭ ىشىندە كوپبالالى وتباسىلارعا تولەنەتىن بولادى. ەڭ تومەن كۇنكورىس دەڭگەيىنىڭ 70%-ى تاعايىنداۋدىڭ شەكتى كريتەريى بولىپ قالا بەرەدى. ەگەر ەڭبەككە قابىلەتتى وتباسى مۇشەسى ۇسىنىلعان جۇمىستان جانە جۇمىسپەن قامتۋعا جاردەمدەسۋ شارالارىنان باس تارتسا، وندا ااك تولەمى تەك وعان عانا ەمەس، بۇكىل وتباسىنا دا توقتاتىلادى.

تابىسى از وتباسىلاردان شىققان بالالار ءۇشىن كەپىلدەندىرىلگەن الەۋمەتتىك پاكەتتى ەنگىزۋ ۇسىنىلادى. 1 جاستان 6 جاسقا دەيىنگى بالالاردى ازىق-ت ۇلىك جيىنتىعىمەن جانە گيگيەنالىق قۇرالدارمەن، 6 جاستان 18 جاسقا دەيىنگى بالالاردى مەكتەپتەردە ىستىق تاماقپەن، وقۋ قۇرالدارىمەن جانە مەكتەپ كيىمىمەن قامتاماسىز ەتەدى، سونداي-اق ولارعا مەكتەپكە دەيىنگى جول ءجۇرۋ شىعىندارى وتەلەدى. مەديتسينالىق، ونىڭ ىشىندە ستوماتولوگيالىق كومەك 18 جاسقا دەيىنگى بالالارعا تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ شەڭبەرىندە كورسەتىلەتىن بولادى.

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار