قازاقستان • 06 جەلتوقسان، 2019

ەلوردادا ءابىش كەكىلباي ۇلىنىڭ اتىنا كوشە بەرىلدى

171 رەتكورسەتىلدى

نۇر-سۇلتان قالاسىنىڭ كوشەلەرىنىڭ بىرىنە قازاقستاننىڭ حالىق جازۋشىسى، مەملەكەت جانە قوعام قايراتكەرى ءابىش كەكىلباي ۇلىنىڭ ەسىمى بەرىلدى.

ەلوردانىڭ سول جاعالاۋىندا ورنالاسقان جوبالىق اتاۋى №28 كوشەگە قازاقستاننىڭ حالىق جازۋشىسى، قوعام جانە ساياسات قايراتكەرى، قازاقستاننىڭ ەڭبەك ەرى ءابىش كەكىلباي ۇلىنىڭ ەسىمى بەرىلدى. سالتاناتتى شاراعا مەملەكەتتىك حاتشى قىرىمبەك كوشەرباەۆ، قالا اكىمى التاي كولگىنوۆ، پارلامەنت دەپۋتاتتارى، مادەنيەت قايراتكەرلەرى مەن ءابىش كەكىلباي ۇلىنىڭ جۇبايى قاتىستى.

«تۇڭعىش پرەزيدەنتىمىز ەلباسىنىڭ ۇسىنىسىمەن وسى ەۋرازيانىڭ تورىنە كەرەمەت جاڭا استانامىزدى سالىپ، ەلباسىنىڭ كوتەرگەن ۇسىنىسىنا ءوزىنىڭ تىلەگىن قوسىپ، شىن جۇرەگىمەن نيەتىن ءبىلدىرىپ، قولداۋ كورسەتكەن ءابىش اعانىڭ اتىنداعى كوشەنىڭ اشىلۋى ساتىنە قاتىسىپ تۇرمىز. وسى داڭعىلدىڭ بويىندا وتكەن وسكەلەڭ ۇرپاق ءابىش كەكىلباي ۇلىنىڭ  كىم ەكەنىن، فاريزا وڭعارسىنوۆانىڭ كىم ەكەنىن، نۇر-سۇلتان قالاسىنىڭ نە ءۇشىن سالىنعانىن ەسكەرىپ، تاۋەلسىزدىگىمىزدى باياندى ەتۋگە ءوز ۇلەستەرىن قوسسا دەگەن نيەتتەمىن. كلارا اپامىزعا العىس بىلدىرەمىن. ءسىز جاس ۇرپاق ءۇشىن ۇلگىسىز» دەدى مەملەكەتتىك حاتشى قىرىمبەك كوشەرباەۆ.

4

ەلوردا اكىمى التاي كولگىنوۆ ءابىش كەكىلباي ۇلىنىڭ ەلدىڭ دامۋى مەن وركەندەۋىنە قوسقان ۇلەسىن اتاپ ءوتتى.

«بۇگىن قازاقستاننىڭ تۇكپىر-تۇكپىرىنەن ابىز اقىنىمىز ءابىش كەكىلباي ۇلىنىڭ اتىنا كوشە بەرىلۋ شاراسىندا بارلىعىمىز باس قوسىپ وتىرمىز. شىنىندا دا بۇل - تاريحي وقيعا. ەلباسىنىڭ قاسىندا جىلدار بويى سەرىك بولىپ ءجۇرىپ، وسى قازاق ەلىنەن ماڭگىلىك ەل جاساۋعا ۇلكەن ەڭبەك ەتكەن اعامىزدىڭ ەسىمىمەن كوشەلەردىڭ ءبىرىن اتاۋدى ۇيعاردىق.  بۇگىن نۇر-سۇلتان قالاسىندا اعامىزدىڭ 80 جىلدىعىنا وراي بىرقاتار ءىس-شارالار وتەدى»،- دەدى التاي كولگىنوۆ.

ءابىش كەكىلباي ۇلى گي دە موپاسساننىڭ «جيزن»، «پەر ي جان» روماندارىن، شىڭعىس ايتماتوۆتىڭ «راننيە جۋراۆلي» پوۆەسىن، ۋيليام شەكسپيردىڭ، انتون چەحوۆتىڭ، لەۆ تولستويدىڭ جانە ت.ب. شىعارمالارىن انا تىلىمىزگە اۋداردى. الاش ابىزىنىڭ شىعارمالارى الەمنىڭ 13 تىلىنە اۋدارىلعان. بۇگىن ساعات 17: 00-دە بەيبىتشىلىك جانە كەلىسىم سارايىندا ءابىش كەكىلباەۆتى ەسكە الۋ كەشى وتەدى.

9

9

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار