ەكونوميكا • 06 جەلتوقسان، 2019

«قازمۇنايگاز» ۇك اق جانە Linde AG ءوزارا مەموراندۋمعا قول قويدى

41 رەتكورسەتىلدى

2019 جىلعى 5 جەلتوقساندا قازاقستان رەسپۋبليكاسى پرەزيدەنتىنىڭ گەرمانيا فەدەراتيۆتىك رەسپۋبليكاسىنا رەسمي ساپارى شەڭبەرىندە «قازمۇنايگاز» ۇك اق جانە Linde Aktiengesellschaft نەمىس ترانسۇلتتىق حيميالىق كومپانياسى اراسىندا ءوزارا تۇسىنىستىك تۋرالى مەموراندۋمعا قول قويىلدى. بۇل تۋرالى قازاقستاندىق مۇناي كومپانياسىنىڭ جۇرتشىلىقپەن بايلانىس دەپارتامەنتى حابارلادى.

مەموراندۋمعا قمگ باسقارما توراعاسى اليك ايدارباەۆ جانە Linde AG باسقارما مۇشەسى، دوكتور كريستيان برۋح قول قويدى. قۇجاتقا سايكەس تاراپتار قازاقستان رەسپۋبليكاسىنىڭ اۋماعىندا تابيعي جانە ىلەسپە مۇناي گازىن كادەگە جاراتۋ مەن وڭدەۋ سالاسىندا، سونىڭ ىشىندە كادر دايىنداۋ، تەحنولوگيا جانە تاجىريبە الماسۋدا ىنتىماقتاستىق ورناتۋعا ۋاعدالاستى.

-بۇگىن قول قويىلعان ءوزارا تۇسىنىستىك تۋرالى مەموراندۋم گاز وڭدەۋ باعىتىنا جاڭا سەرپىن بەرىپ، الداعى سەرىكتەستىگىمىز قازاقستان ەكونوميكاسى مەن مۇناي-گاز سەكتورىنا ينۆەستيتسيالار، تەحنولوگيالار اكەلىپ، جاڭا جۇمىس ورىندارىن اشۋعا ىقپال ەتەدى دەگەن سەنىمدەمىن، دەدى ءوز سوزىندە اليك ايدارباەۆ.

ايتا كەتۋ كەرەك، 2019 جىلدىڭ قازان ايىندا قمگ جانە Linde AG ماماندارى قازاقستاننىڭ ماڭعىستاۋ وبلىسىنداعى جاڭاوزەن قالاسىندا گاز وڭدەۋ زاۋىتىن سالۋ جوباسىن ىسكە اسىرۋ اياسىندا بىرلەسكەن كاسىپورىن قۇرۋ مۇمكىندىگىن تالقىلاعان بولاتىن.

Linde - ونەركاسىپتىك جانە مەديتسينالىق ماقساتتاعى گاز ءوندىرۋ جانە ينجينيرينگ سالاسىنداعى الەمنىڭ جەتەكشى كومپانياسى. 2018 جىلدىڭ ناتيجەلەرى بويىنشا ونىڭ ساتىلىم كولەمى 28 ملرد اقش دوللارىنا جۋىقتى (24 ملرد ەۋرو) قۇرادى. Lindە الەمنىڭ 100-دەن استام ەلدەگى ءوز كليەنتتەرىنە جوبانىڭ بارلىق قاتىسۋشىلارى ءۇشىن ۇزاق مەرزىمدى جانە ەكونوميكالىق تيىمدىلىك بەرەتىن يننوۆاتسيالىق جانە ەكولوگيالىق شەشىمدەر تۇرىندە قىزمەت كورسەتەدى. كومپانيا ءوز ءونىمى، تەحنولوگيالارى مەن قىزمەتتەرىن كورسەتۋ ارقىلى كليەنتتەرىنە ەكونوميكالىق كورسەتكىشتەرىن جانە ءوزارا تاۋەلدى الەمدە قورشاعان ورتا جاعدايلارىن جاقسارتۋعا ءوز ۇلەسىن قوسىپ كەلەدى. Linde ءوزىن سەنىمدى سەرىكەستەس رەتىندە كورسەتە ءبىلدى، Linde ينۆەستيتسيالارىنىڭ ناتيجەسىندە قازاقستان رەسپۋبليكاسىنىڭ اۋماعىندا زاماناۋي ءارى قۋات تيىمدىلىگى جوعارى اۋا ءبولۋ قوندىرعىلارى سالىندى جانە پايدالانۋعا بەرىلدى.

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار