رۋحانيات • 06 جەلتوقسان، 2019

ديماش قۇدايبەرگەن «ۆيكتوريا» سىيلىعىنىڭ ەكى اتالىمىندا جەڭىسكە جەتتى

86 رەتكورسەتىلدى

ءانشى ديماش قۇدايبەرگەن رەسەيدىڭ «ۆيكتوريا» مۋزىكالىق پرەمياسىندا «جىل جاڭالىعى» جانە  «كلاسسيكالىق مۋزىكاداعى جىل ءانشىسى» نوميناتسيالارى بويىنشا جەڭىسكە جەتتى. بۇل تۋرالى dimashnews.com حابارلادى.

ءار جىلدىڭ سوڭىندا ۇزدىك مۋزىكانتتار، ورىنداۋشىلار، كومپوزيتورلار، اقىندار، پروديۋسەرلەر، مۋزىكا سىنشىلارى، جۋرناليستەر جانە ءىرى مەديا حولدينگتەردىڭ باسشىلارى «ۆيكتوريا» سىيلىعىمەن ماراپاتتالادى. بيىلعى قاتىسۋشىلاردىڭ ىشىندە قازاقستاندىق ءانشى ديماش قۇدايبەرگەن دە بار.

«ماسكەۋدەگى مەملەكەتتىك كرەمل سارايىنىڭ ساحناسىندا سىيلىق جەڭىمپازدارىنىڭ ەسىمدەرى جازىلعان ارنايى كونۆەرتتەر سالتاناتتى جاعدايدا اشىلدى. ولاردىڭ قاتارىندا قازاقستاندىق ەسترادا جۇلدىزى، الەم حالىقتارىنىڭ سۇيىكتى ءانشىسى ديماش قۇدايبەرگەن دە بار»، دەلىنگەن حابارلامادا.

رەسەي فەدەراتسياسىنىڭ ۇلتتىق مۋزىكانى قولداۋ قورىنىڭ ساراپشىلارىنىڭ تاعايىنداۋى بويىنشا ديماش قۇدايبەرگەن «جىل جاڭالىعى» اتالىمى بويىنشا ۇزدىك دەپ تانىلدى. بۇعان دەيىن بۇل نوميناتسيانى 2015 جىلى يۋلياننا كاراۋلوۆا مەن ەگور كريد يەلەنگەن بولسا، 2016 جىلى روستيسلوۆ مۋدريتسكي العان بولاتىن.

4

سونداي-اق انشىگە «كلاسسيكالىق مۋزىكاداعى جىلدىڭ ۆوكاليستى» نوميناتسياسى دا بۇيىردى.

«تانىمال قازاقستاندىق ءانشى ديماش قۇدايبەرگەن رەسەيدىڭ «ۆيكتوريا» مۋزىكالىق سىيلىعىنىڭ «كلاسسيكالىق مۋزىكاداعى جىلدىڭ ۆوكاليستى» نوميناتسياسىن «Olimpico» انىمەن ۇتىپ الدى. ديماشتىڭ بۇل نوميناتسياداعى قارسىلاستارى وسال ەمەس. ول قازىرگى وپەرا انشىلەرى يلدار ابدرازاكوۆ، ايدا گاريفۋللينا، حيبلا گەرتسماۆا، اننا نەترەبكو جانە ولگا پەرەتياتكو سىندى ونەرپازدارمەن باسەكەگە ءتۇستى»، دەلىنگەن حابارلامادا.

ايتا كەتەيىك، سوڭعى بىرنەشە جىلدا «كلاسسيكالىق مۋزىكاداعى جىلدىڭ ۆوكاليستى» اتاعى رەسەيلىك جانە اۆستريالىق وپەرا جۇلدىزى اننا نەترەبكوعا بەرىلگەن.

9

4

74

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار