قازاقستان • 06 جەلتوقسان، 2019

حالىقارالىق قىزىل كرەست كوميتەتى قازاقستاندىق بالالاردىڭ يراكتان قايتارىلۋىنا قولداۋ ءبىلدىردى

30 رەتكورسەتىلدى

مەملەكەت باسشىسى قاسىم-جومارت توقاەۆتىڭ اتىنا حالىقارالىق قىزىل كرەست كوميتەتىنىڭ پرەزيدەنتى (حقكك) پەتەر ماۋرەردىڭ قۇتتىقتاۋ حاتى كەلىپ ءتۇستى. وندا قازاقستاندىق 14 بالانى يراكتان قايتارۋ گۋمانيتارلىق وپەراتسياسىنىڭ ءساتتى وتكەنى تۋرالى ايتىلعان. بۇل تۋرالى اقوردانىڭ ءباسپاسوز قىزمەتى حابارلادى.

– وسىنداي كۇردەلى ماسەلەلەردى شەشۋ ىسىندە قازاقستاننىڭ «جۋسان» وپەراتسياسىن تابىستى جالعاستىرىپ وتىرعانى بۇكىل الەمگە ۇلگى بولۋى ءتيىس، – دەپ جازعان قايىرىمدىلىق ۇيىمىنىڭ باسشىسى.  

پەتەر ماۋرەردىڭ حاتىندا رەپاترياتسيا جانە رەينتەگراتسيا ماسەلەلەرىندە قازاقستان مەن حالىقارالىق قىزىل كرەست كوميتەتى اراسىنداعى ىقپالداستىقتى نىعايتۋ، قاقتىعىس ايماعىنان ورالعان وتباسى مۇشەلەرىن قاۋىشتىرۋ جانە ادامدارعا پسيحولوگيالىق قولداۋ كورسەتۋ قاجەتتىگى ايتىلعان. 

– حالىقارالىق قىزىل كرەست كوميتەتى ءوز مانداتى اياسىندا جانە گۋمانيتارلىق ماقساتتا قازاقستان ۇكىمەتىنە قولداۋ كورسەتۋگە دايىن. تاياۋ شىعىستاعى قاقتىعىستارعا قاتىسى بار ۇستالعان ادامدارمەن جولىعىپ، پىكىر الماسۋعا قۋانىشتى بولار ەدىك. ءبىز نۇر-سۇلتان نەمەسە الماتى قالالارىندا اتالعان كۇردەلى ماسەلە جونىندە تاجىريبە الماسۋ ءۇشىن وسىنداي پروبلەماعا تاپ بولعان باسقا ەلدەردىڭ وكىلدەرىمەن كەزدەسۋلەر ۇيىمداستىرۋدى ۇسىنامىز، – دەپ جازىلعان پ.ماۋرەردىڭ حاتىندا.

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار