قوعام • 06 جەلتوقسان، 2019

سۋ باسۋ قاۋپى جوق

14 رەتكورسەتىلدى

پرەزيدەنت جانىنداعى ورتالىق كوممۋنيكاتسيالار قىزمەتىندە سىرداريا وزەنىنىڭ قىزىلوردا اۋماعىنداعى سۋ تاسقىنى جاعدايلارىنا قاتىستى ءباسپاسوز ءماسليحاتى ءوتتى.

ەكولوگيا، گەولوگيا جəنە تابيعي رەسۋرستار مينيسترلىگى سۋ رەسۋرستارى كوميتەتىنىڭ توراعاسى ارمان تۇرلىبەك اپات بولعان جاعدايدا بارلىق تەحنيكالىق قامتاماسىز ەتۋ جۇمىستارى دايىن ەكەنىن مəلىمدەدى.

بۇعان دەيىن سىرداريا وزەنى ارناسىنان تاسۋى مۇمكىن دەگەن حابارلاما تارالعان بولاتىن. «قازگيدرومەت» رمك حابارلاماسىندا «مۇزدىڭ ەرۋىنە بايلانىستى سىرداريا وزەنىنىڭ جوسالى تارماعىندا سۋ دەڭگەيى قاۋىپتى بەلگىگە جاقىندادى. ناقتى دەڭگەي تاڭعى 8:00-دە 638 سم بولاتىن. ال 665 سم قاۋىپتى دەڭگەي سانالادى. شەكتى دەڭگەي – 720 سم. بۇل جاعدايدا ەلدى مەكەندى سۋ باسادى. سۋ دەڭگەيى ودان ءəرى كوتەرىلۋى مۇمكىن» دەلىنگەن.

ارمان تۇرلىبەكتىڭ بايانداماسىنان بەلگىلى بولعانداي، قازىرگى كەزدە قىزىلوردا وبلىسىنداعى ەلدى مەكەندەردى سۋ باسۋ قاۋپى جوق. «رەسپۋبليكامىزداعى وزەندەردىڭ بەتىنە مۇز قاتۋ ماۋسىمى ءəلى اياقتالعان جوق. سىرداريا وزەنىنىڭ ترانسشەكارالىق ەكەنى ءمəلىم. ونىڭ ءبىر ەرەكشەلىگى وڭتۇستىكتەن سولتۇستىككە قاراي اعىپ جاتىر. مۇز ارال تەڭىزى جاعىندا قاتادى»، دەدى توراعا. سونىمەن قاتار رەسپۋبليكا بويىنشا سۋ شارۋاشىلىعىنىڭ 250 ارنايى تەحنيكاسى بارىن حابارلادى. «بۇل جۇمىستارعا 80 ملن تەڭگە بولىنگەن، əزىرگە قاۋىپ-قاتەر جوق»، دەدى سپيكەر.

 

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار