رۋحانيات • 05 جەلتوقسان، 2019

جازۋشىلار وداعىندا «ءۇش بايتەرەك» ادەبي كەش ءوتتى

58 رەتكورسەتىلدى

قازاقستان جازۋشىلارى كىتاپحاناسىندا قازاقتىڭ اسا كورنەكتى ادەبيەت وكىلدەرى بەيىمبەت مايلين، ءىلياس جانسۇگىروۆ جانە ساكەن سەيفۋلليننىڭ 125 جىلدىعىنا ارنالعان كەش ءوتتى. كەشتى اقىن داۋلەتبەك بايتۇرسىن ۇلى جۇرگىزدى.

ءىس-شارادا قازاقستان جازۋشىلار وداعى باسقارما توراعاسىنىڭ ورىنباسارى، اقىن باۋىرجان جاقىپ، الماتى قالاسى اۋەزوۆ اۋدانى اكىمىنىڭ ورىنباسارى داستان قايرات ۇلى، ب.ءمايليننىڭ نەمەرەسى دامەن ابىلقاسىمقىزى، ءى.جانسۇگىروۆتىڭ كەلىنى قارلىعاش جانسۇگىروۆا، قازاق ۇلتتىق قىزدار پەداگوگيكالىق ۋنيۆەرسيتەتىنىڭ پروفەسسورى لاززات ادىلبەكوۆا ارىستاردىڭ ءومىر جولى جايلى ايتىپ، بۇگىنگە جەتكەن مۇرالارى سارالانىپ، شىعارمالارىن ءالى دە زەرتتەۋگە بايلانىستى ويلارىمەن ءبولىستى.

كوپشىلىك نازارىنا ء«ۇش بايتەرەكتىڭ» شىعارمالار جيناعى جانە دە الاش ارىستارىنىڭ ومىرىنەن سىر شەرتەتىن ەستەلىكتەردى قامتىعان اۋقىمدى كورمەگە كىتاپحانا مەڭگەرۋشىسى ەلەنا اعايسا بيبليوگرافيالىق شولۋ جاسادى.

شىعارماشىلىق كەشتى ۇيىمداستىرۋعا ۇيتقى بولعان ب. مايلين اتىنداعى قوعامدىق قوردىڭ ديرەكتورى سالتانات مۇستافينا قاتىسۋشىلارعا  العىس ءبىلدىردى. ءۇش بايتەرەككە ارناۋ ولەڭدەر ارنالىپ، كورىنىستەر كورسەتىلدى. بەلسەنە ات سالىسقان قاتىسۋشىلار ب.مايلين اتىنداعى مەدالدارمەن، توسبەلگىلەرىمەن جانە العىس حاتتارمەن ماراپاتتالدى. 

 

الماتى

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار