رۋحانيات • 05 جەلتوقسان، 2019

كوكشەتاۋدا جاس اقىندار ءمۇشايراسى وتكىزىلدى

23 رەتكورسەتىلدى

جاستاردىڭ جالىندى جىرلارىنىڭ تاقىرىبى دا سانالۋان. وزدەرىنە ءتان جاستىقتىڭ بالاۋسا لەبىنەن گورى ازامات ءسوزى، ەلدىڭ ەرى عانا ايتار ءۋاج باسىم. تاۋەلسىزدىك تاقىرىبىنداعى وي دا تەرەڭ.  

جىر دوداسىنا نۇر-سۇلتان، سەمەي، قاراعاندى، كەرەكۋ وڭىرىمەن قاتار، كوكشەتاۋلىق 25 جاس اقىن قاتىسىپ، جاقۇت جىرلارىن تىڭدارمان قاۋىمعا تارتۋ ەتتى. اقىنداردىڭ شاما-شارقىن، شابىسىن سىناۋ ماقساتىندا ەركىن تاقىرىپتا جازىلعان ولەڭدەرىن دە قازىلار القاسى سارالاپ، جۇزدەن جۇيرىگىن انىقتادى. ىرىكتەۋدەن ىركىلمەي وتكەن اقىنداردىڭ ولەڭ شۋماقتارىنان ەلىنە، جەرىنە دەگەن سۇيىسپەنشىلىك لەبى ەسەدى. ءبىرى تاۋەلسىزدىكتى تارتۋ ەتكەن قۇربانداردىڭ ەرلىگىن جىرلاسا، ەندى ءبىرى وزدەرىن باقىتتى ەلدىڭ ۇرپاقتارى ەكەندىگىن ولەڭدەرىمەن ورنەكتەدى.

– وسى مۇشايراعا ءوزىمنىڭ تاۋەلسىزدىك تۋرالى ولەڭىمدى الىپ كەلدىم. ۇنەمى قالماي، قاتىسىپ جۇرەمىن. وسى ءبىر جاقسى ءۇردىس ادەمى قالىپتاسىپ كەلەدى، – دەيدى جاس اقىن باقىتبەك جاقسىگەلدى.  

مۇنداي ءمۇشايرالار اقىندارعا تىڭ سەرپىلىس، ايقىن باعىت بەرەدى. بايقاۋ قورىتىندىسى بويىنشا باس جۇلدەنى م.جۇماباەۆ اتىنداعى وبلىستىق عىلىمي-امبەباپ كىتاپحاناسىنىڭ قىزمەتكەرى ورالبەك ءنۇرىش جەڭىپ الدى. ءبىرىنشى ورىنعا ورتالىق قازاقستان اكادەمياسىنىڭ ستۋدەنتى اسەمگۇل سەرىكبول، ەكىنشى ورىنعا نۇر-سۇلتان قالاسىنان كەلگەن ابىلاي ماۋلەن مەن قىزىلجارلىق ابىلايحان ءاشىمحان لايىقتى دەپ تانىلسا، سەمەي قالاسىنىڭ اتىنان بايگەگە تۇسكەن ەلامان وسپان جانە كوكەن شاكەەۆ اتىنداعى اقىندار مەكتەبىنىڭ شاكىرتى قاراشاش ۇعىلان جۇلدەلى ءۇشىنشى ورىندى قاناعات تۇتتى. بارلىق قاتىسۋشىعا العىس حاتتار مەن ەستەلىك سىيلىقتار تابىستالدى.

 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار