05 جەلتوقسان، 2019

كوكشەتاۋ قالالىق ەمحاناسىندا رەنتگەن اپپاراتى ورناتىلدى

17 رەتكورسەتىلدى

كوكشەتاۋ قالالىق ەمحاناسىندا اعىمداعى جىلدىڭ تامىز ايىنان باستاپ جاڭا رەنتگەن اپپاراتى جۇمىس ىستەپ تۇر. قۇرىلعى «اردياگنوست» دەپ الادى. زاماناۋي ۇلگىدەگى رەنتگەن قۇرىلعىسى بۇگىندە ىسكە قوسىلىپ، حالىق يگىلىگىنە اينالدى.  

بۇل وتاندىق وندىرۋشىلەردىڭ ءونىمى. قۇنى شامامەن 46 ميلليون تەڭگەنى قۇرايدى. جوعارى تەحنولوگيالىق قوندىرعىنىڭ اتقاراتىن قىزمەتى دە كۇردەلى. ياعني، ادامنىڭ باس سۇيەگىنەن باستاپ، اياق بۋىندارىنا دەيىن دياگنوستيكا جاساۋعا مۇمكىندىگى بار.  

– جاڭا قۇرىلعى ارقىلى كوپتەگەن تەكسەرۋلەر جۇرگىزىلەدى. اپپاراتتىڭ  تولىق اۆتوماتتاندىرىلعان كونسترۋكتسياسى تىك، كولدەنەڭ جاعدايلاردا، لاتەروپوزيتسيادا زەرتتەۋلەر جۇرگىزۋگە مۇمكىندىك بەرەدى،  بۇل تەكسەرۋ كەزىندە اسا قولايلى. قۇرىلعى زەرتتەۋلەردىڭ بارلىق تۇرلەرىن جۇرگىزۋگە مۇمكىندىك بەرەدى: سىزىقتىق توموگرافيا، ىشەكتى، باس سۇيەكتى، قاڭقا سۇيەكتەرىن، ۋروگرافيانى، ميەلوگرافيانى، قان تامىرلارى مەن وكپەنى تەكسەرىپ، جوعارى ساپالى سۋرەتتەر ارقىلى كورسەتەدى، – دەيدى قالالىق ەمحانانىڭ بولىمشە مەڭگەرۋشىسى ءاليا نىعمەتوۆا.

ەمحانا 95 مىڭعا جۋىق قالا تۇرعىنىنا قىزمەت كورسەتەدى. كۇنىنە 30-دان استام ادام رەنتگەن قۇرىلعىسىنىڭ كومەگىنە جۇگىنەدى ەكەن. سوندىقتان جاڭا «اردياگنوست» رەنتگەن قۇرىلعىسى ناۋقاستارعا ناقتى دياگنوز قويۋعا كومەگىن تيگىزۋدە. ءتىپتى، دارىگەرلەرگە قاۋىپسىزدىك جاعى دا قاراستىرىلعان.

جاڭا قۇرىلعىنىڭ كومەگى كوپ. اسىرەسە، سۇيەك اۋرۋلارىنىڭ الدىن الۋدا تاپتىرماس قۇرال. ساۋلەلەنۋ دوزاسى وتە تومەن، پاتسيەنتتەر ءۇشىن دە قاۋىپسىز. زاماناۋي جابدىقتارمەن قامتاماسىز ەتىلگەن ەمحانانىڭ دارىگەرلەرى دە بىلىكتى. ولار جاڭا اپپاراتتى قولدانۋدىڭ تەتىكتەرىن مەڭگەرىپ ۇلگەردى.

 

سوڭعى جاڭالىقتار

تەرەزەدەن قاراما...

رۋحانيات • كەشە

اعا مەن ءىنى

قوعام • كەشە

ىسقاق قاجى اۋليە

رۋحانيات • كەشە

قابان، تاڭكى جانە بىدىق

رۋحانيات • كەشە

قايىق كۇتكەن كۇن

رۋحانيات • كەشە

ۇقساس جاڭالىقتار