جارقايىڭ اۋدانىندا 75 وتباسى باسپانالى بولدى. جاڭا پاتەردىڭ كىلتىن تاپسىرۋ سالتاناتىنا اۋدان اكىمى مۇرات بالپان قاتىسىپ, قۋانىش يەلەرىن قۇتتىقتادى. بۇل تۇرعىن ءۇي «نۇرلى جەر» باعدارلاماسى بويىنشا وبلىستىق بيۋدجەتتەن بولىنگەن 259 ميلليون تەڭگە قارجىعا قالپىنا كەلتىرىلگەن. سونىمەن قاتار اۋداندا وبلىستىق بيۋدجەتتەن تاعى دا 60 پاتەرلى تۇرعىن ءۇيدى قالپىنا كەلتىرۋگە قارجى ءبولىنىپ وتىر.
جاقسى اۋدانىندا الەۋمەتتىك جاعىنان از قامتىلعان, كوپ بالالى وتباسىلار, جەتىمدەر, تولىق ەمەس وتباسىلار, مۇمكىندىگى شەكتەۋلى جاندارعا 27 پاتەردىڭ كىلتى تاپسىرىلدى. بۇدان بولەك, اۋدانداعى «TNK اگروفيرماسى» سەرىكتەستىگى ەكى پاتەرلى جەتى ءۇي سالىپ بەرمەك. ونىڭ التاۋىن الەۋمەتتىك جاعىنان از قامتىلعان وتباسىلارعا بەرۋ جوسپارلانعان.
بۇلاندى اۋدانىندا «نۇرلى جەر» باعدارلاماسى شەڭبەرىندە اۋىلدىق جەردە تۇراتىن كوپبالالى ءتورت وتباسىنا جاڭا پاتەردىڭ كىلتى تاپسىرىلدى.
ەگىندىكول اۋدانىندا مەديتسينا قىزمەتكەرلەرىنە ارنالعان جاتاقحانا پايدالانۋعا بەرىلدى. اۋدان ورتالىعىنداعى جاتاقحاناعا كۇردەلى جوندەۋ جۇمىستارى اۋداندىق اۋرۋحانا قاراجاتى ەسەبىنەن جۇرگىزىلدى. عيماراتقا كۇردەلى جوندەۋ جۇمىستارى جۇرگىزىلدى. سونداي-اق, جاتىن, اس جانە سانيتارلىق بولمەلەرى جاڭارتىلىپ, جيھازدار ساتىلىپ الىندى. اۋدان اكىمدىگىنىڭ مالىمەتىنشە, جاس مامانداردى اۋدانعا تارتۋ شارالارى ءوز جەمىسىن بەرۋدە. بيىل اۋداندىق اۋرۋحاناعا 3 دارىگەر مەن 3 ورتا مەديتسينالىق قىزمەتكەر جۇمىسقا قابىلدانعان.
تسەلينوگراد اۋدانىنىڭ قارامەندى باتىر اۋىلىندا مادەنيەت ءۇيى اشىلدى. بوس تۇرعان عيماراتقا «تۋعان جەر» باعدارلاماسى شەڭبەرىندە «ارىستان» شارۋا قوجالىعى كۇردەلى جوندەۋ جۇمىستارىن جۇرگىزگەن. ءبىر قاباتتى مادەنيەت ءۇيىنىڭ اۋماعى 370 شارشى مەتردى قۇرايدى. مۇندا 200 ورىندىق كورەرمەن زالى, بي زالى جانە ءتۇرلى ۇيىرمەلەرگە ارنالعان بولمەلەر بار.
مىنە, وسىنداي جاعىمدى جاڭالىق ەل ەڭسەسىن كوتەرىپ, جاقسىلىقتىڭ ءۇمىت شىراعىن جاعۋدا.
