ء«بىلىم-يننوۆاتسيا» ليتسەيلەرى اراسىندا داستۇرگە اينالىپ ۇلگەرگەن رەسپۋبليكالىق جارىسقا وبلىس ورتالىعىنداعى اتالمىش مازمۇندا ءبىلىم بەرەتىن مەكەمەنىڭ «كوكشە BIL» كومانداسى قاتىسىپ, جارىس جەڭىمپازى اتاندى.
كوماندا قۇرامى جوعارى سىنىپ وقۋشىلارىنان جاساقتالعان. وسىمەن ەكى جىل قاتارىنان ء«بىلىم-يننوۆاتسيا» ليتسەيلەرى اراسىندا ۇيىمداستىرىلىپ جۇرگەن رەسپۋبليكالىق باسكەتبول تۋرنيرىنەن قارسىلاس شاق كەلتىرمەي, باس جۇلدەنى جەڭىپ كەلەدى.
– بالالار قالاعان ۋاقىتىندا كەلىپ سپورت زالدا دايىندالادى. ساباققا كەدەرگى كەلتىرمەيتىندەي جاعداي جاساپ, قولىمىزدان كەلگەنشە بارلىق سپورتتىق جارىستارعا جىبەرىپ وتىرامىز, – دەيدى وبلىستىق ء«بىلىم-يننوۆاتسيا» ليتسەي-ينتەرناتىنىڭ ديرەكتورى عالىمجان ەسجانوۆ.
اتىراۋ قالاسىندا وتكەن باسەكەدە 15 كوماندا باق سىنادى. تارتىستى وتكەن جارىس بارىسىندا كوكشەتاۋلىق جاس سپورتشىلار ءوز بويلارىنداعى قايرات-جىگەردى قاپىسىز كورسەتىپ, ناعىز باپتارىندا ەكەندىكتەرىن ۇتىمدى ويىن ورنەكتەرىمەن دالەلدەگەن.
– بۇل مەنىڭ جەتىنشى سىنىپتان بەرى دايىنداعان بالالارىم. جاتتىعۋلارىمىز جەمىسىن بەرىپ ەكى جىل قاتارىنان رەسپۋبليكا چەمپيونى اتاندىق. بالعىنداردى باپتاۋ ىسىمەن ءبىرتالاي جىلداردان بەرى اينالىسىپ كەلەمىن. ءبىزدىڭ وقۋ ورنىمىز باسكەتبولدا عانا ەمەس باسقا دا سپورت تۇرلەرىنەن رەسپۋبليكادا ۇزدىكتەر قاتاتىندا, – دەيدى باپكەر ەركەبۇلان قاراسارتوۆ.
بۇگىندە كوماندا چەمپيوندىق اتاقتى ساقتاپ قالۋ ءۇشىن ەندىگى جىلى وسكەمەن قالاسىندا وتەتىن جارىسقا دايىندىقتى باستاپ كەتكەن. ساباقتان قولدارى قالت ەتە قالسا سپورت زالعا جينالىپ, شەبەرلىكتەرىن اركەز شىڭداپ وتىرادى.
اقمولا وبلىسى
