«باقىتتى وتباسى» جوباسىنىڭ اياسىندا قازاقستاننىڭ 8 قالاسىندا – نۇر-سۇلتاندا, الماتىدا, قاراعاندىدا, اتىراۋدا, وسكەمەندە, تارازدا, كوكشەتاۋدا جانە قوستانايدا - وتباسىن رەسۋرستىق قولداۋعا بايلانىستى 12 ورتالىق جانە 4 كابينەتى جۇمىس ىستەپ, وندا پسيحولوگتار, الەۋمەتتىك قىزمەتشىلەر, زاڭگەرلەر جانە مەدياتورلار قازاقستاندىقتارعا وتباسىن قۇرۋ نەمەسە اجىراسۋ جاعدايىنداعى ماسەلەلەر بويىنشا پسيحولوگيالىق, الەۋمەتتىك, زاڭگەرلىك كومەك كورسەتىلدى.
اعىمداعى جىلدىڭ 1 ماۋسىم - 30 قاراشا ارالىعىنداعى كورسەتكىشتەر بويىنشا 2566 ادام وتباسىن رەسۋرستىق قولداۋ ورتالىقتارىنا جۇگىنسە, ولاردىڭ 2423-ءى اجىراسۋ ماسەلەسىن قوزعاعان. ءارى ناتيجەلى كەڭەس جۇرگىزۋگە بايلانىستى 871-ءى تاتۋلاسۋعا كەلىسىمىن بىلدىرگەن. اتاپ وتەرلىگى, 1 جىلدان 2 جىلعا دەيىن جانە ودان از ءومىر سۇرگەن جاس وتباسىلىق جۇپتار تاتۋلاسۋعا قارسىلىق بىلدىرگەن. كىشكەنتاي ءسابيدىڭ بولۋى دا وتباسىن ساقتاپ قالۋعا ىقپال ەتە قويماعان. وتباسىندا 3 جانە 4 كامەلەتكە تولماعان بالانىڭ بولۋى دا ەرلى-زايىپتىلاردى اجىراسۋعا كەدەرگى بولماعاندىعىن ايتادى ماماندار. وسىنداي جاعدايلار وتباسى قۇندىلىقتارى بويىنشا مۇقيات جۇمىستىڭ جۇرگىزىلۋىن تالاپ ەتەدى. ال جالپى ورتالىققا ءوتىنىش بىلدىرگەندەردىڭ جاس مولشەرى 20-77 جاس ارالىعىن قۇرايدى. ال 1898 بالالى ازاماتتىڭ 1270-ءى تۇراتىن جەرى تۋرالى ماسەلە قوزعاعان.
جالپى, جوبا كورسەتكەندەي, قازاقستاندا وتباسىلىق قارىم-قاتىناستار مادەنيەتى مەن اجىراسۋعا قاتىستى وركەنيەتتى كوزقاراس قالىپتاسپاعان. بۇل باعىتتاعى تاربيە جۇمىستارى مەكتەپ پارتاسىنان باستالۋى ءتيىس دەپ بىلەدى ماماندار جوبا ساراپشىلارى احات ورىندارى قازاقستاندا نەكە قيۋ عانا ەمەس, وتباسىلىق ءومىر تۋرالى ءبىلىم الۋدىڭ ورنىنا اينالۋى كەرەك. سونىمەن قاتار, جوبا ناتيجەلەرى بويىنشا, رەسۋرستىق ورتالىقتار ءوز قىزمەتىن سوتتاردان بولەك ىسكە اسىرۋى ءتيىس. مۇنداي ورتالىقتار احات جانىندا نەمەسە تاۋەلسىز ينستيتۋتتار رەتىندە قىزمەت كورسەتۋى قاجەت. جوبانىڭ ستراتەگيالىق ماقساتى قر اجىراسۋلار سانىن قىسقارتۋ ءۇشىن زاڭناماعا وزگەرىستەر ەنگىزۋ ءۇشىن ۇسىنىستاردى جاساقتاۋ بولاتىن. «داعدارىس ورتالىقتارى وداعى» مەملەكەتتىك ورگاندارعا – قر ءىىم, قر بعم, ازاماتتىق حال اكتىلەرىن تىركەۋ بولىمدەرىنە, قر جوعارى سوتىنا جانە قر پارلامەنتىنە 65 ۇسىنىس جولدادى.
«باقىتتى وتباسى» وتباسىلىق سوتتار جانىنداعى وتباسىن رەسۋرستىق قولداۋ ورتالىقتارىن اشۋ» الەۋمەتتىك جوباسى قر اقپارات جانە قوعامدىق دامۋ مينيسترلىگىنىڭ قولداۋىمەن «ازاماتتىق باستامالاردى قولداۋ ورتالىعى» كەاق مەملەكەتتىك گرانتى ەسەبىنەن ىسكە اسىرىلدى.
الماتى
