وسى جىلدىڭ 28 تامىزىندا الماتى قالاسى كاسىپكەرلەر پالاتاسى وڭىرلىك كەڭەسىنىڭ مۇشەلەرى ورتاق ۋاعدالاستىق نەگىزىندە ءوزىن-ءوزى تاراتۋ بويىنشا شەشىم قابىلداپ, وڭىرلىك كەڭەس مۇشەلىگىنە كانديداتتار سايلاۋىن وتكىزۋدى ۇسىنعان بولاتىن.
وڭىرلىك كەڭەس – بۇل وڭىرلىك كاسىپكەرلەر پالاتاسىنىڭ باقىلاۋشى ورگانى, ول وڭىرلىك پالاتانىڭ اعىمداعى قىزمەتىندە ەكونوميكانىڭ جەكەلەگەن سالالارى مەن سەكتورلارى مۇددەلەرىن ەسكەرۋدى قامتاماسىز ەتەدى, كاسىپكەرلىك ماسەلەلەرى بويىنشا قوعامدىق تىڭداۋلار وتكىزەدى, ۇلتتىق پالاتا قىزمەتىنىڭ تيىمدىلىگىن ارتتىرۋ ءۇشىن سەزد قاراۋىنا ۇسىنىستار شىعارادى, وڭىرلىك پالاتانىڭ جانە فيليال جەتەكىشىلەرىنىڭ كانديداتۋراسىن ماقۇلدايدى.
كەڭەستىڭ نەگىزگى تىرەگى پالاتانىڭ قۇرىلۋى كەزىندە, ءار سالادان بەدەلدى كاسىپكەرلەر شاقىرىلعان كەزدەن باستاپ قالىپتاستى. وسىدان كەيىن كەڭەس قۇرامى ءبىرشاما وزگەردى - بىرەۋلەرى قالدى, ال باسقالارى سالالىق قاۋىمداستىقتاردىڭ «باستاۋىشتارى» ارقىلى بوس ورىندارعا كەلدى. بىراق بيزنەس وزگەرىس قاجەت دەپ شەشىپ, كەڭەستەگى ورىندى الۋعا كىم لايىقتى ەكەنىن ءبىلۋ ءۇشىن, ونلاين جانە وفلاين داۋىس بەرۋ سايلاۋىن وتكىزدى.
«وڭىرلىك كەڭەستىڭ 30 ورىنى ءۇشىن 135 الماتىلىق كانديدات باق سىناستى, ولاردىڭ ارقايسىسى ءوزىنىڭ سايلاۋالدى باعدارلاماسىن ۇسىنىپ, الداعى كەڭەس جۇمىسىن قالاي كورەتىنىن جانە بيزنەستىڭ قانداي پروبلەمالارىن شەشۋ قاجەت ەكەنىن ايتتى»,- دەپ اتاپ ءوتتى الماتى قالاسى كاسىپكەرلەر پالاتاسى وڭىرلىك كەڭەسىنىڭ توراعاسى يۋري تىلەۋمۇراتوۆ.
سايلاۋ قورىتىندىسى جەلتوقسان ايىندا شىعارىلادى جانە وڭىرلىك كەڭەستىڭ جاڭا قۇرامى باق-تا جاريالاناتىن بولادى.
الماتى قالاسى وڭىرلىك كەڭەسىنىڭ شەشىمىن, سونداي-اق الماتىدا باسقا قالالارمەن سالىستىرعاندا وتاندىق كومپانيالار سانى باسىم (بارلىعى 186 000 كاسىپكەرلىك سۋبەكتىسى جۇمىس ىستەيدى) ەكەنىن ەسكەرە وتىرىپ, ۇكپ وڭىرلىك كەڭەس مۇشەلىگىنە كانديداتتاردى سايلاۋدى قاناتقاقتى رەجيمدە الماتى قالاسىندا وتكىزۋ بويىنشا شەشىمدى قابىلداعان بولاتىن. سودان كەيىن ۇكپ تورالقاسى شەشىمى بويىنشا الماتىلىق تاجىريبە رەسپۋبليكانىڭ وزگە وڭىرلەرىنە تارالاتىن بولادى.
الماتى قالاسى كاسىپكەرلەر پالاتاسى وڭىرلىك كەڭەسىنىڭ بەلسەندى جۇمىسىنىڭ ارقاسىندا كاسىپكەرلەردىڭ قۇقىقتارى قورعالىپ, ءنورماتيۆتى-قۇقىقتىق اكتىلەرگە وتاندىق بيزنەس دامۋىنا وڭ اسەر ەتتى دەۋگە نەگىز باسىم. تاراتا ايتار بولساق, الماتى قالاسى وكپ وڭىرلىك كەڭەسى مۇشەلەرىنىڭ قاتىسۋىمەن جارناما تۋرالى زاڭعا وزگەرىستەر ەنگىزىلدى. ناتيجەسىندە 2019 جىلدىڭ ءساۋىر ايىنان باستاپ جارناما وبەكتىلەرىن انىقتاۋدا پروفيلاكتيكالىق باقىلاۋ مەحانيزمى ەنگىزىلدى.
الماتىدا بوۋلينگ, كارتينگ, بيليارد جانە ت.ب. قىزمەت تۇرلەرىنە بەلگىلەنگەن سالىق مولشەرلەمەسى ورتا ەسەپپەن 30%-عا تومەندەتىلدى. جۇمىس بەرۋشى تاراپىنان قوسىمشا 5% زەينەتاقىلىق جارنالاردى ەنگىزۋ مەرزىمىن شەگەرۋ باستاماسى كوتەرىلىپ, قولداۋ تاپتى. كاسىپكەرلەردىڭ وتىنىمدەرى بويىنشا قوناەۆ جانە بايتۇرسىن ۇلى كوشەلەرى بويىندا ۆەلوسيپەدتتەر جولاقتارىن جولدىڭ ءبىر شەتىنە اۋىستىرۋ بويىنشا وزگەرتۋلەر جاسالدى.
الماتى
