مىندەتتەمەلەردى مەرزىمنەن بۇرىن وتەۋ قمگ كومپانيالار توبىنىڭ قارجىلىق جاعدايىن جاقسارتۋ, قارىزدارىن باسقارۋ جانە اقشا اعىندارىن وڭتايلاندىرۋ جونىندەگى ءىس-شارالار كەشەنىن وتكىزۋ ناتيجەسىندە مۇمكىن بولدى.
ەسكە سالا كەتەيىك, قمگ 2016 جىلى حالىقارالىق مۇناي ترەيدەرلەرى اراسىندا تشو مۇنايى كولەمىنىڭ 20%-ىن ساتۋ بويىنشا تەندەر وتكىزدى. تشو اكتسيونەرى رەتىندە ونىڭ مۇنايىن ساتىپ الۋعا قمگ-نىڭ باسىم قۇقىعى بار. مۇنايدى ساتىپ الۋ قۇنى, جونەلتۋدىڭ تۇراقتىلىعىن قامتاماسىز ەتۋ جانە تومەنگى باعامەن ۇزاق مەرزىمدى اۆانس بەرۋ تەندەردىڭ نەگىزگى شارتتارى بولدى. تەندەردىڭ قورىتىندىسى بويىنشا ءىرى حالىقارالىق ترەيدەر بولىپ تابىلاتىن Vitol كومپانياسىمەن 2020 جىلدىڭ ءساۋىر ايىنا دەيىن 3 ملرد دوللار اۆانس سوماسىنا كەلىسىمشارتقا قول قويىلدى.
قمگ ۇزاق مەرزىمدى اۆانس شەڭبەرىندە الىنعان قاراجاتتى ەنشىلەس كومپانيالاردى قارجىلاندىرۋ, قاشاعان جوباسىنا ينۆەستيتسيا سالۋ, قارىزدارعا قىزمەت كورسەتۋ جانە تاعى دا باسقا ماقساتتارعا جۇمسادى.
2017 جىلى مۇنايدى جەتكىزۋ جونىندەگى مىندەتتەردى ءىشىنارا ورىنداعاننان كەيىن جانە سايكەسىنشە اۆانس سوماسى 2 ملرد دوللارعا دەيىن تومەندەگەن سوڭ, قمگ 2021 جىلدىڭ ءساۋىر ايىنا دەيىن تاعى 1 ملرد دوللار كولەمىندە قوسىمشا اۆانس الدى.
مىندەتتەردىڭ ورىندالۋىنا قاراي اۆانستىڭ قالدىعى بىرتە-بىرتە ازايا ءتۇستى. ايتالىق, 2016 جىلدىڭ 31 جەلتوقسانىنداعى جاعداي بويىنشا اۆانس قالدىعى 3 ملرد دوللار, 2017 جىلدىڭ 31 جەلتوقسانىندا – 2,75 ملرد دوللار, 2018 جىلدىڭ 31 جەلتوقسانىندا – 2,25 ملرد دوللار, 2019 جىلدىڭ 31 ناۋرىزىندا – 1,84 ملرد دوللار, 2019 جىلدىڭ 30 ماۋسىمىندا – 1,05 ملرد دوللار, 2019 جىلدىڭ 30 قىركۇيەگىندە – 404 ملن دوللاردى قۇرادى. 2019 جىلى اۆانس قالدىعىنىڭ جەدەل تومەندەۋى قمگ تاراپىنان مىندەتتەردى اسىرا ورىنداۋىنا بايلانىستى بولدى (اسىرا ورىنداۋ كولەمى 1,270 ملرد دوللاردى قۇرادى).
اۆانس تولىق وتەلگەننەن كەيىن مامىلەنىڭ بارلىق تاراپتارى اراسىنداعى مۇنايدى جەتكىزۋ جونىندەگى كەلىسىمشارتتاردىڭ كۇشى ولاردىڭ ارەكەت ەتۋ مەرزىمدەرىنە دەيىن (2021 جىلدىڭ ءبىرىنشى جارتىجىلدىعى) ساقتالاتىن بولادى.
ماڭعىستاۋ وبلىسى
