اتالمىش ءىس-شاراعا ءارتۇرلى ەتنوس بالالارىنان قۇرالعان ايۋ-1/17 توبىنىڭ ستۋدەنتتەرى, كورەي ەتنومادەني بىرلەستىگىنىڭ ءتورايىمى مادەنوۆا رايسا, داعىستان ەتنومادەني بىرلەستىگىنىڭ توراعاسى يۋسۋف شاحشاەۆ, «قوعامدىق كەلىسىم» كمم باسشىسىنىڭ ورىنباسارى داۋلەت تۋلەميسوۆ قاتىستى. اشىق ساباق مەملەكەتتىك گيمنىمەن باستالدى. ەتنوس جاستارى ەلباسىنىڭ ءومىرى, ەڭبەك جولى تۋرالى قويىلعان سۇراقتارعا جاۋاپ بەرىپ, وسىنداي تاۋەلسىز, بەيبىت ەلدە ءومىر ءسۇرىپ جاتقاندارى ءۇشىن ەلباسىنا العىستارىن ءبىلدىردى.
- مەن قازاقستاندا تۋىپ-ءوستىم. دوستارىمنىڭ ىشىندە ءارتۇرلى ۇلت وكىلدەرى بار. ءبىز ءبىر-ءبىرىمىزدى قۇرمەتتەيمىز, سىيلايمىز, ەڭ ءبىرىنشى ورىنعا بىرلىك, دوستىق, ىنتىماقتاستىق ۇعىمدارىن قويامىز. قازاق ءتىلى مەن ءۇشىن انا ءتىلىم بولىپ سانالادى جانە مەملەكەتتىك تىلگە قۇرمەتپەن قارايمىن. وسىنداي تاۋەلسىز, بەيبىت ەلدە ءومىر ءسۇرىپ جاتقانىم ءۇشىن قازاق ەلىنە, ەلباسى ن.نازارباەۆقا العىسىمدى بىلدىرەمىن,- دەدى اليەۆ ابدۋلكەريم.
اشىق ساباق بارىسىندا تاۋەلسىز قازاقستاننىڭ قالىپتاسۋ مەن دامۋ كەزەڭىندەگى تۇڭعىش پرەزيدەنتتىڭ ساياساتىن, ىسكەرلىك قابىلەتىن, بولاشاققا باعىت-باعدار بەرگەن ەڭبەگىن تانىستىرۋ, جاس ۇرپاققا ناسيحاتتاۋ ماقساتىندا كورمە ۇيىمداستىرىلدى.
ماڭعىستاۋ وبلىسى
