فەستيۆال باعدارلاماسى پەداگوگتار ءۇشىن ماستەر-كلاسستارعا, اتا-انالار ءۇشىن اشىق كەڭەستەرگە, بالالار مەن جاسوسپىرىمدەرگە ارنالعان ارنايى باعدارلاماعا تولى بولدى. ءىس-شارانىڭ باستى سپيكەرلەرى - پسيحولوگيا عىلىمدارىنىڭ دوكتورى, رەسەي ءبىلىم اكادەمياسىنىڭ اكادەميگى شالۆا اموناشۆيلي, حالىقارالىق ادامگەرشىلىك پەداگوگيكا ورتالىعىنىڭ پرەزيدەنتى پااتا اموناشۆيلي, «ايب» ءبىلىم بەرۋ قورىنىڭ نەگىزىن قالاۋشى ارام پاحچانيان, «Razum Life» قوعامدىق بىرلەستىگىنىڭ توراعاسى مارينا تارگاكوۆا, «بوبەك» ۇلتتىق ورتالىعىنىڭ پەداگوگ - عالىمدارى بولدى.
«زيورنا» ادامگەرشىلىك پەداگوگيكا فەستيۆالىنىڭ جۇمىسىنا ءاليا نازارباەۆا قاتىستى. «مەن ءۇشىن جانە بارلىعىمىز ءۇشىن بۇل وتە جاۋاپتى ميسسيا. مەن ءبىزدىڭ ۇلكەندەرىمىز, ءبىزدىڭ فەستيۆالدەن كەيىن ءبىزدىڭ بالالارىمىزعا, تۋعان-تۋىستارىمىز بەن جاقىندارىمىزعا جاقىن بولىپ, وزىمىزگە جاڭا شەكارالار اشاتىنىنا جانە بەيبىتشىلىك پەن جارقىن ءومىر سۇرۋگە ۇمتىلاتىنىنا شىن جۇرەكتەن تىلەكتەسپىن جانە سەنەمىن!» دەپ اتاپ ءوتتى ءاليا نۇرسۇلتانقىزى.
فەستيۆال اياسىندا العاش رەت گۋمانيتارلىق عىلىمدار نەگىزىندەگى قازاقستاندىق ءبىلىم بەرۋ - دامىتۋ پلاتفورماسىنىڭ t - EACH جوباسى تانىستىرىلدى. جوبانىڭ باستى يدەياسى - تولىق جانە ۇيلەسىمدى ءومىر ءسۇرۋ ءۇشىن جاراسىمدى داعدىلاردى قالىپتاستىرۋ ارقىلى بالالاردى ادامگەرشىلىك, توزىمدىلىك, جاھاندىق قۇندىلىقتاردى دامىتۋ مەن تاربيەلەۋ باعىتىندا باۋلۋ بولىپ تابىلادى.
فەستيۆال بارىسىندا «قازاقستان مۇعالىمى» ۇلتتىق سىيلىعى تانىستىرىلدى.
پەداگوگتار مەن اتا-انالار ءۇشىن كەلەسى جارقىن جانە پايدالى كەزدەسۋ كەلەسى جىلى 20-22 ناۋرىز ارالىعىندا ادامگەرشىلىك پەداگوگيكا بويىنشا حالىقارالىق پەداگوگيكالىق وقۋلار ءال-فارابي اتىنداعى قازۇۋ-دا وتەتىن بولادى.
الماتى
