جەڭىمپازداردى ماراپاتتاۋ ءراسىمى 2019 جىلعى 28 قاراشادا لوندون قالاسىندا ءوتتى. سىيلىقتى بەلگىلەيتىن حالىقارالىق سوت القاسى اتفبانك كومانداسىنىڭ ءوزىنىڭ بولشەك بيزنەس پەن شوب سەگمەنتتەرىنە نەگىزدەلگەن ستراتەگيالىق دامۋ ۆەكتورىنىڭ اياسىندا 2018-2019 جىلدارى ەنگىزگەن قارجىلىق كورسەتكىشتەرى مەن باستامالارىنا جوعارى باعا بەردى.
قر ۇلتتىق بانكىنىڭ 2019 جىلعى قاراشا ايىنداعى اقپاراتىنا سۇيەنسەك, اتفبانك نارىقتاعى ۇلەسى تيىسىنشە 5,2%, 6,8% جانە 6,8% بولاتىن اكتيۆتەرىنىڭ كولەمى جاعىنان 6-شى ورىن, سونىمەن بىرگە كرەديتتىك پورتفەلىنىڭ كولەمى جاعىنان 5-ءشى جانە دەپوزيتىك پورتفەلىنىڭ كولەمى بويىنشا 6-شى ورىن الادى.
وسى كۇزدە عانا نەگىزگى قىزمەتى بويىنشا تۇراقتى كورسەتكىشتەرى جانە بولشەك بيزنەس پەن شوب-قا نەگىزدەلگەن ۇزاقمەرزىمدى دامۋ ستراتەگياسى ءۇشىن S&P Global Ratings حالىقارالىق اگەنتتىگى اتفبانكتىڭ رەيتينگىلەرىن «تۇراقتى» بولجامى بويىنشا «B-/B» دەڭگەيىندە بەلگىلەگەن. سودان كەيىن Moody’s Investors Service سياقتى تاعى ءبىر ءىرى حالىقارالىق اگەنتتىك اتفبانكتىڭ بىردەن التى رەيتينگىسىن كوتەرگەن بولاتىن.
«اتفبانك» اكتيۆتەرىنىڭ سانى جونىنەن قازاقستان رەسپۋبليكاسىنداعى ءىرى بانكتەردىڭ ءبىرى بولىپ تابىلادى. بانكتىڭ نەگىزگى اكتسيونەرى - 99,76% قۇرايتىن اكتسيالار پاكەتىنە يە «KNG Finance» جشس. 20 جىلدىق تاريحى مەن قازاقستاندىق ءارى شەتەلدىك قۇرىلىمدارمەن ىنتىماقتاستىق قارىم-قاتىناستارىنداعى مول تاجىريبەسى بانككە بانك قىزمەتتەرى نارىعىنان سەنىمدى ءارى بەدەلدى ورىن الۋعا مۇمكىندىك بەردى.
الماتى
