قوعام • 04 جەلتوقسان، 2019

«جەدەل جاردەم» جەدەل مە؟

46 رەتكورسەتىلدى

اۋرۋ ايتىپ كەلمەيتىن اپات. اعزا دەپ اتالاتىن تىلسىم «اپپاراتتىڭ» ءبىر ءتىنى مەن تەتىگى كەنەتتەن بۇرىس بەلگى بەرسە، اعزانىڭ يەسى – ادام­دى قالپاقتاي ۇشىرىپ تۇ­سى­رە­تىنى انىق. جان القىم­عا كەلگەن مۇنداي قيىن كەزدە «اللادان» سوڭ اۋىز­عا ىلىگەرى – «جەدەل جاردەم». «جەدەل جاردەم» قىز­مەتىن جاڭعىرتۋ-جەتىل­دىرۋ ءۇشىن دەنساۋلىق ساقتاۋ مينيس­تر­لىگى 2018 جىلى «جەدەل جاردەم» قىزمەتى ەرەجە­سىنە بىرنەشە وزگەرىس ەنگىز­دى.

جەدەل دارىگەرلىك قىزمەتتىڭ ساپاسىن ارتتىرۋ ماقساتىنداعى وزگە­رىس­تەر كۇن تارتىبىندە تۇرعان بولاتىن. ويتكەنى ەلىمىزدە «جەدەل جار­دەم» قىزمەتىنىڭ ساپاسى مەن ونىڭ سالدا­رىنان ورىن العان بىرقاتار كە­لەڭ­سىز جاعداي اتالعان سالاعا جاڭا رەڭك بەرۋ قاجەتتىگىن ۇقتىردى. ما­لىمەت­تەر­گە سۇيەنسەك، قازاقستاندا «جەدەل جاردەم» قىزمەتىنە قوڭىراۋ شالۋشىلار سانى ءبىر تاۋلىكتە 2 جارىم مىڭعا جۋىقتاسا، جىل سايىن شاقىرتۋ كولەمى ارتىپ كەلەدى. مىسالى، 2017 جىلى 7 ميلليون 800 شاقىرتۋ تۇسكەن. الايدا ەلىمىزدە زاماناۋي جابدىقتالعان جەدەل جاردەم كولىكتەرى جەتىسپەيدى.

 ماڭعىستاۋدا «جەدەل جاردەم» جايى قالاي؟

حالقىنىڭ سانى ارتا تۇسكەن ماڭ­عىستاۋ وبلىسىندا دارىگەرلىك قىزمەت، دەن­ساۋلىق ساقتاۋ قىزمەتى ساپاسىن جان-جاقتى جەتىلدىرۋ – وزەكتى تاقى­رىپ.

«جەدەل جاردەم» قىزمەتىنە قاتىس­تى سان الۋان پىكىرلەر مەن وكپە-رەنىش­تەر دە ايتىلماي قالمايدى. سالا قىز­مەتىندەگى احۋال تۋرالى «وڭىر­لىك كوم­­مۋنيكاتسيالار قىزمەتى» الاڭ­ىن­دا وتكەن بريفينگتە ماڭعىستاۋ وبلىس­تىق جەدەل جاردەم ستانساسى ديرەكتورى راقىمجان ەلتاەۆتان بىلدىك.

ونىڭ ايتۋىنشا، 2019 جىلدىڭ 10 ايىندا ماڭعىستاۋ وبلىسى بويىن­شا جەدەل مەديتسينالىق جاردەم قىزمەتى 233 460 شاقىرىم جول ءجۇردى. 2019 جىلدىڭ 10 ايىنىڭ قورى­تىن­دى­سى بويىنشا شۇعىل مەدي­تسي­نالىق كومەك كورسەتۋدىڭ ەكى دەڭگەيلى مودەلىن ەنگىزۋ ناتيجەسىندە پاتسيەنتكە جەتۋ ۋا­قىتى ايتارلىقتاي قىسقارعان، مىسالى 2018 جىلمەن سالىستىرعاندا 2019 جىلدىڭ شىلدە ايىندا ناۋقاسقا كەلۋ ۋاقىتى 25-تەن 18 مينۋتقا دەيىن قىسقارعان ەكەن.

– شۇعىل مەديتسينالىق كومەك كورسە­تۋدىڭ حالىقارالىق ستاندارتتارىن ەن­گىزۋ جالعاستى. وسىلايشا 2018 جىل­مەن سالىستىرعاندا مەديتسينالىق كومەك كورسەتۋ ساپاسىن ارتتىرۋ پارا­مەت­رى 2019 جىلدىڭ 10 ايىندا ءساتتى رەا­نيماتسيا كورسەتكىشى 20،9%-عا ارت­تى، 2018 جىلى بۇل 15%-دى قۇرا­دى. 2017 جىلمەن سالىستىرعاندا 2019 جىلدىڭ 10 ايىندا 245 ولىمگە تومەن­دە­دى، – دەدى ر.ەلتاەۆ.

جۇرگىزىلگەن جاڭعىرتۋدىڭ تاعى ءبىر ناتيجەسى – سوزىلمالى اۋرۋلارى بار پاتسيەنتتەرگە ەمحانالار قىزمەتىنىڭ جاقسارۋى. بۇل تۋرالى سوزىلمالى اۋرۋ­لاردىڭ اسقىنۋى سەبەبىنەن جەدەل جاردەمدى شاقىرۋ جاعدايلارى سانى­نىڭ تومەندەۋى كۋالاندىرادى. جىل باسىمەن سالىستىرعاندا جەلتوقسان ايى­نىڭ سوڭىندا وسىنداي شاقىرۋلار سانى 55410 وقيعاعا قىسقارعان.

– «103» قىزمەتىنىڭ ماتەريالدىق-تەحنيكالىق بازاسى كۇشەيتىلدى. 2018 جىلمەن سالىستىرعاندا 2019 جىلدىڭ قورىتىندىسى بويىنشا مەديتسينالىق جابدىقتارمەن جابدىقتاۋ 20%-عا ارتىپ، 70%-دى قۇرادى. 2017-2018 جىل­دارمەن سالىستىرعاندا GPS-ناۆي­گا­تسيامەن جابدىقتاۋ جاعدايى جاقسار­دى. كورسەتكىش 2018 جىلمەن سالىستىرعاندا 21،2%-عا ارتتى جانە 2019 جىلدىڭ 10 ايىنىڭ قورىتىندىسى بويىنشا 73،2%-دى قۇرادى. سونداي-اق سانيتارلىق كولىكپەن قامتاماسىز ەتۋ ارتتى: 2019 جىلدىڭ 10 ايىنىڭ قورىتىندىسى بويىنشا بۇل 75%-دى قۇرادى، – دەيدى ماڭعىستاۋ وبلىستىق جەدەل جاردەم ستانساسىنىڭ ديرەكتورى ر.ەلتاەۆ. سونداي-اق قاناتقاقتى جوبا شەڭبەرىندە ستاتسيونارلاردىڭ قابىلداۋ بولىمشەلەرىندە مامانداردى وقىتۋ، ستاندارتتاردى ەنگىزۋ، رەديزاين جانە قايتا قۇرۋ، ماتەريالدىق-تەحنيكالىق جاراقتاندىرۋدى جاقسار­تۋ سىن­دى جاڭا فورماتتى جۇمىس باستال­دى.

 «جەدەل جاردەمنىڭ» جولى نەگە بوگەلەدى؟

مەكەمە باسشىسى كەلتىرگەن مالى­مەت­تەر سالادا جاسالىپ جاتقان جۇ­مىس­­تاردان حاباردار ەتەدى. ارينە، «بىتكەن ىسكە» قۋانا بىلگەن جاقسى. الاي­­دا تۇرعىندار اراسىندا جەدەل مەدي­­تسينالىق قىزمەتتىڭ ساپاسىنا سىن ايتا­تىن­دار جوق ەمەس. ءۋاج سول باياعى – كەشىگۋ...

مەكەمە باسشىسى ر.ەلتاەۆتىڭ ايتۋىن­شا، جارىق جوق جانە كوشە اتاۋ­لارى، ءۇي نومىرلەرى، پاتەرلەردە دوموفونداردىڭ جۇمىس ىستەمەۋى «جەدەل جاردەم» قىزمەتىنە قولاي­سىز­دىق تۋدىرسا، جولدارداعى جۇر­گى­زۋشى ما­دە­­نيەتىنىڭ ساقتال­ماۋى جە­دەل مەديتسينالىق جار­دەم­­نىڭ قاتى­­سۋى­مەن بولعان جول-كولىك وقيعا­سى­نا اكەلىپ سوعادى ەكەن. سونداي-اق ەلدى مەكەندەردەگى جولداردىڭ ساپا­سىزدىعى، تۇنگى ۋاقىتتا كوشە­لەردى جارىقتاندىرۋدىڭ جەتكى­لىك­سىز­دىگى – الىس اۋداندارداعى عالام­تور، ۇيالى بايلانىس قىزمەتىنىڭ جەتكى­لىكسىزدىگى جەدەل مەديتسينالىق قىز­مەت بريگاداسىنىڭ كەلۋ ۋاقىتىن تو­مەن­دەتەدى.

«جەدەل جاردەم» قىزمەتى قالادا، اۋدان ورتالىقتارىندا بەلسەندى بول­عان­مەن، ماڭعىستاۋدىڭ الىس اۋىلدارىندا الاڭداتارلىق جاعداي كوپ. جاز مەزگىلىندە بەينەۋ اۋدانىنىڭ الىس اۋىلىنا قىدىرىپ بارىپ اياق استىنان قاتتى سىرقاتتانعان ادامعا «جەدەل جاردەم» تابا الماي داعدارعانىمىز ەستە. اۋىلدىق اكىمشىلىك قۇرىلىمىنا ساي قيمىلدايتىن كورشى اۋىلدار ءبىر-بىرىنە سىلتەپ ۋاقىت سوزعانى – ناۋ­قاس­قا جاناشىرلىقتىڭ ەمەس، قاتىپ قال­عان ء«تارتىپتىڭ» ماڭىزدىراق ەكەنىن ۇعىن­دىرعان. دەمەك، اۋىلدىق جەرلەردەگى اتالعان سالا قىزمەتىن ارتتىرۋ قاجەتتىگى اڭعارىلادى.

 

ماڭعىستاۋ وبلىسى

 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار