ايماقتار • 03 جەلتوقسان، 2019

ماڭعىستاۋدا «پاراساتتى وتباسى» بايقاۋى مارەگە جەتتى

461 رەتكورسەتىلدى

قوعامدا سىبايلاس جەمقورلىققا قارسى مادەنيەتتى قالىپتاستىرۋدىڭ باستى ىرگەتاسى – وتباسى. ازاماتتىق قوعامدى قۇرۋدىڭ قوزعاۋشى كۇشى بولىپ تابىلاتىن وتباسىلىق قارىم قاتىناستار ارقىلى قوعامدا ادال ەڭبەككە، سىيلاستىققا، پاراساتتىلىققا قول جەتكىزۋگە بولادى. 

وسىعان سايكەس، پاراساتتى وتباسى قۇندىلىقتارىن ناسيحاتتاۋ، وتباسى مۇشەلەرىنىڭ اراسىنداعى باۋىرمالدىق، قايىرىمدىلىق، دوستىق قارىم-قاتىناستى قالىپتاستىرۋ، زاماناۋي جەتىستىكتەرگە لايىقتى پاراساتتى تۇلعانى دامىتۋ، وزات-ويلى، پاراساتتى، قايىرىمدى وقۋشىنى انىقتاۋ ماقساتىندا وبلىس كولەمىندە «پاراساتتى وتباسى» بايقاۋىن جۇرگىزىلگەن بولاتىن، دەپ حابارلادى سىبايلاس جەمقورلىققا قارسى ءىس-قيمىل اگەنتتىگىنىڭ  ماڭعىستاۋ وبلىسى بويىنشا دەپارتامەنتى ءباسپاسوز قىزمەتى.

بايقاۋدىڭ ەكىنشى كەزەڭىنە 13 وتباسى ىرىكتەلدى. ولار: اقتاۋ قالاسىنان ءامىرحانوۆتار، بيسەنباەۆتار، ءاندىجانوۆتار وتباسىلارى; جاڭاوزەن قالاسىنان كوپتىلەۋوۆتەر مەن ازاماتوۆتار وتباسىلارى; بەينەۋ اۋدانىنان يمانباەۆتار وتباسى; مۇنايلى اۋدانىنان تۋلەباەۆتار وتباسى; قاراقيا اۋدانىنان قوسجانوۆتار مەن ەرجانوۆتار وتباسىلارى; تۇپقاراعان اۋدانىنان دجولاەۆتار، بەكبوسىنوۆتار، نابيەۆتەر جانە قابىلوۆتار وتباسىلارى.

قاتىسۋشىلار بايقاۋدىڭ وبلىستىق كەزەڭىنە «مەنىڭ وتباسىم» تاقىرىبىندا ەڭبەكتەگى، وقۋداعى جەتىستىكتەر مەن وتباسىلاردىڭ ادەت-عۇرىپ، ءجون-جورالعىلارعا قانشالىقتى ءمان بەرىپ، بوس ۋاقىتتى ءتيىمدى پايدالانۋ تۋرالى پايدالى دا ونەگەلى مالىمەتتەردى ۇسىناتىن بەينەروليكتەر ءتۇسىرۋ ارقىلى قاتىستى.

وتباسى شىعارماشىلىعى، وتباسىلىق تۋريزم، وتباسىلىق باستامالار، ۇرپاقتار ەستەلىگى كورىنىس تاباتىن بەينەروليكتەردى قازىلار القاسى قاراپ، باعالادى.

ءى ورىندى قاراقيا اۋدانىنان ەرجانوۆتار وتباسى، ءىى ورىن دى مۇنايلى اۋدانىنان تۋلەباەۆتار وتباسى يەلەنسە، ءىىى ورىندى اقاتۋلىق بيسەنباەۆتار وتباسى يەلەندى. سونداي-اق، «پاراساتتى وتباسى» - بەكبوسىنوۆتار وتباسى، تۇپقاراعان اۋدانى، «شەبەرلەر وتباسى» - نابيەۆتەر وتباسى، تۇپقاراعان اۋدانى، «ۇزدىك وقىرمان وتباسى» ءاندىجانوۆتار وتباسى، اقتاۋ قالاسى، «ينتەللەكتۋالدى وتباسى» قوسجانوۆتار وتباسى، قاراقيا اۋدانى، «شىعارماشىل وتباسى» يمانباەۆتار وتباسى، بەينەۋ اۋدانى، «ونەرلى وتباسى» كوپتىلەۋوۆتەر وتباسى، جاڭاوزەن قالاسى، «جومارت وتباسى»  ازاماتوۆتار وتباسى، جاڭاوزەن قالاسى، «ونەگەلى وتباسى» قابىلوۆتار وتباسى، تۇپقاراعان اۋدانى، «ىزدەنىمپاز وتباسى» دجولاەۆتار وتباسى، تۇپقاراعان اۋدانى، «جاس وتباسى»  ءامىرحانوۆتار وتباسى، اقتاۋ قالاسىنىڭ وتباسىلارى ماراپاتتالدى.

وبلىستىق ءبىلىم باسقارماسىمەن بىرلەسىپ وتكىزىلگەن شارادا جۇلدەلى ورىن العان جەڭىمپازدارعا قارجىلاي سىيلىقتار بەرىلىپ، دەپارتامەنت باسشىسىنىڭ العىس حاتىمەن ماراپاتتالدى.

45

سوڭعى جاڭالىقتار

ۇلتتىق كينوداعى كارانتين

ايماقتار • بۇگىن، 16:56

ۇقساس جاڭالىقتار