قازاقستان • 03 جەلتوقسان، 2019

سىبايلاس جەمقورلىققا قارسى وزگەرتىلگەن كەيبىر زاڭنامالار ءتۇسىندىرىلدى

126 رەتكورسەتىلدى

بۇل تۋرالى سىبايلاس جەمقورلىققا قارسى ءىس-قيمىل اگەنتتىگى ماڭعىستاۋ وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى سەرىك قانىبەكوۆ مالىمدەدى، دەپ حابارلادى ماڭعىستاۋ وبلىسى وڭىرلىك كوممۋنيكاتسيالار قىزمەتىنەن.

2019 جىلدىڭ 20 مامىرىندا سىبايلاس جەمقورلىققا قارسى ءىس-قيمىل ماسەلەلەرى بويىنشا مەملەكەتتىك ورگانداردىڭ باسشىلارىنىڭ قاتىسۋىمەن وتكەن كەزدەسۋدە مەملەكەت باسشىسى باعىنىشتى قىزمەتكەرلەردىڭ سىبايلاس جەمقورلىققا جول بەرگەنى ءۇشىن مەملەكەتتىك ورگانداردىڭ ءبىرىنشى باسشىلارىنىڭ ورنىنان ءتۇسۋ ينستيتۋتىن ەنگىزۋدىڭ ماڭىزدىلىعىن اتاپ ءوتتى.

بۇدان بىلاي، ساياسي مەملەكەتتىك قىزمەتشىلەر – مينيسترلەر مەن ولاردىڭ ورىنباسارلارى، وبلىستاردىڭ، نۇر-سۇلتان، الماتى، شىمكەنت قالالارى مەن وبلىس اكىمدەرى مەن ولاردىڭ ورىنباسارلارى، اۋداندار اكىمدەرى ولاردىڭ تىكەلەي باعىنىشتى قىزمەتكەرلەرى سىبايلاس جەمقورلىق قۇقىق بۇزۋشىلىق جاساسا مىندەتتى تۇردە وتستاۆكاعا شىعۋعا سۇرانۋ كەرەك.

-زاڭنىڭ جاڭا رەداكتسياسىنا سايكەس، ءبىرىنشى باسشى ونىڭ تىكەلەي باعىنىشتى تۇلعاسىنا قاتىستى سوتتىڭ ايىپتاۋ ۇكىمى كۇشىنە ەنگەننەن سوڭ كۇنتىزبەلىك 10 كۇن ىشىندە نەمەسە اقتالمايتىن نەگىزدەر بويىنشا قىلمىستىق ءىس توقتاتىلعاننان كەيىن وتستاۆكاعا كەتۋگە مىندەت، دەدى س.قانىبەكوۆ.

ول سونداي-اق قانداي تۇلعالار تىكەلەي باعىنىشتىلار رەتىندە قاراستىرىلاتىنىعىن ءتۇسىندىردى:

- ورتالىق مەملەكەتتىك ورگاننىڭ باسشىسى (مينيستر) ءۇشىن – بۇل ونىڭ ورىنباسارلارى، جاۋاپتى حاتشى نەمەسە اپپارات باسشىسى، ايماقتىق بولىمشەلەردىڭ باسشىلارى;

- وبلىس، رەسپۋبليكالىق ماڭىزى بار قالالار، استانا اكىمى ءۇشىن – ونىڭ ورىنباسارلارى، اپپارات باسشىسى، اۋداننىڭ (وبلىستىق ماڭىزى بار قالانىڭ) اكىمى;

- ورتالىق مەملەكەتتىك ورگان باسشىسىنىڭ ورىنباسارى (ۆيتسە-مينيستر) ونىڭ قاراماعىنداعى بولىمشە نەمەسە تاۋەلسىز قۇرىلىمدىق بولىمشە باسشىسى سىبايلاس جەمقورلىق قىلمىس جاساعان كەزدە قىزمەتىنەن كەتەدى;

- وبلىس اكىمىنىڭ ورىنباسارى جەرگىلىكتى بيۋدجەتتەن قارجىلاندىرىلاتىن اتقارۋشى ورگانداردىڭ باسشىلارىنا جاۋاپ بەرەدى;

- اۋدان اكىمى ءوزىنىڭ ورىنباسارلارىنا، اپپارات باسشىسىنا، جەتەكشىلىك ەتەتىن اۋداندىق اتقارۋشى ورگانداردىڭ باسشىلارىنا، اۋىل، كەنت، اۋىلدىق وكرۋگتەردىڭ اكىمدەرىنە جاۋاپ بەرەدى.

ايتا كەتۋ كەرەك، «مەملەكەتتىك قىزمەت تۋرالى» زاڭعا سايكەس، مەملەكەتتىك قىزمەتشىنى وسى لاۋازىمعا تاعايىنداعان لاۋازىمدى تۇلعاعا ورنىنان كەتۋ تۋرالى ءوتىنىش جىبەرىلەدى. وتستاۆكانى قابىلداۋ نەمەسە قابىلداماۋ – بۇل ساياسي قىزمەتكەردى قىزمەتكە تاعايىنداعان ادامنىڭ قۇزىرەتى.

ەگەر ساياسي ەمەس، بىراق ا جانە ب كورپۋسىنىڭ اكىمشىلىك مەملەكەتتىك قىزمەتشىلەرى بولىپ تابىلاتىن بارلىق باسقا باسشىلارىنا تىكەلەي باعىنىشتى قىزمەتكەرلەر سىبايلاس جەمقورلىق قۇقىق بۇزۋشىلىق جاساعان جاعدايدا الدىڭعىلارعا تارتىپتىك جاۋاپكەرشىلىك قاراستىرىلعان.

سونىمەن قاتار مەملەكەت باسشىسى قول قويعان زاڭدا باسشىلارعا باعىنىشتى قىزمەتكەرلەردىڭ سىبايلاس جەمقورلىق قۇقىق بۇزۋشىلىق جاساۋىنىڭ الدىن الۋ مىندەتى ەنگىزىلگەن. بۇل مىندەتتىڭ ورىندالماۋى نەمەسە تيىسىنشە ورىندالماۋى باسشىنىڭ تارتىپتىك جاۋاپكەرشىلىگىنە اكەلىپ سوعادى.

-سونىمەن قاتار زاڭناماعا باسشىلىقتىڭ ۇجىمداعى سىبايلاس جەمقورلىقتى بولدىرماۋ جونىندەگى مىندەتىن جۇيەلى تۇردە ورىنداماعانى ءۇشىن جاۋاپكەرشىلىگى ەنگىزىلدى، بۇل مەملەكەتتىك ورگاندا نەمەسە ول باسقاراتىن قۇرىلىمدا سىبايلاس جەمقورلىق تۇرعىسىنان جاعىمسىز جاعدايعا اكەلەدى. ەگەر تىكەلەي باعىنىشتى ادامدار سىبايلاس جەمقورلىق قىلمىس جاساماعان بولسا، بىراق، مىسالى، تالداۋ وسى مەملەكەتتىك ورگاندا نەمەسە بەلگىلى ءبىر ايماقتىق بولىمشەدە سىبايلاس جەمقورلىق دەڭگەيى كۇرت جوعارىلاعانىن كورسەتسە، ءتيىستى باسشىنىڭ تارتىپتىك جاۋاپكەرشىلىك ماسەلەسى قارالاتىن بولادى، دەدى سەرىك قانىبەكوۆ.

سونىمەن بىرگە ول سىبايلاس جەمقورلىققا قارسى قىزمەت ۋاكىلەتتى ورگان رەتىندە بۇل ماسەلەنى بەلسەندى تۇردە كوتەرىپ، مەملەكەتتىك ورگانداردى الاڭداتىپ، باسشىلاردىڭ جاۋاپكەرشىلىگىن قاراۋعا باستاماشىلىق ەتەدى دەپ قوستى. اگەنتتىكتىڭ مىندەتى – باسشىلاردى ءسوز جۇزىندە ەمەس، ءىس جۇزىندە ءوز ۇجىمىندا سىبايلاس جەمقورلىقتىڭ الدىن-الۋعا جانە بولدىرماۋعا ءماجبۇر ەتۋ.

ءوز سوزىندە سەرىك قانىبەكوۆ ءۇشىنشى جاڭاشىلىق – نورماتيۆتىك قۇقىقتىق اكتىلەردىڭ جوبالارىنا سىبايلاس جەمقورلىققا قارسى ساراپتامانى ەنگىزۋ تۋرالى توقتالىپ ءوتتى.

-بۇل مەحانيزم زاڭنامالىق جانە نورماتيۆتىك قۇقىقتىق اكتىلەردى ازىرلەۋ ساتىسىندا ىقتيمال سىبايلاس جەمقورلىق تاۋەكەلدەرىن انىقتاۋعا جانە جويۋعا مۇمكىندىك بەرەدى، دەدى.

كەزدەسۋدە جۋرناليستەر تاراپىنان اتالعان تاقىرىپقا قاتىستى بىرقاتار ساۋالدار قويىلىپ، جاڭاشىلىقتىڭ ارتىقشىلىقتارى تالقىعا سالىندى.

سوڭعى جاڭالىقتار

شقو-دا قار كوشكىنى ءجۇردى

ايماقتار • بۇگىن، 17:25

بالالىق شاقتىڭ كورمەسى

قوعام • بۇگىن، 15:56

قىلقالامنىڭ ۇشىنداعى بۋراباي

ايماقتار • بۇگىن، 15:25

اقمولادا براكونەرلەر قۇرىقتالدى

ايماقتار • بۇگىن، 15:18

ۇلى حاكىم ۇلاعاتى ۇرپاققا ۇلگى

رۋحانيات • بۇگىن، 15:09

قازاقتىڭ تۇڭعىش ابايتانۋشىسى

رۋحانيات • بۇگىن، 14:24

انا ءتىلى – ارىم دەيتىن جاستار كوپ

قازاقستان • بۇگىن، 09:21

«اقىلعا ساۋلە قونباسا...»

قوعام • بۇگىن، 08:03

قاتىگەزدىك قايدان شىعادى؟!

قوعام • بۇگىن، 07:46

ۇقساس جاڭالىقتار