ايماقتار • 03 جەلتوقسان، 2019

بۋرابايدا – ەل چەمپيوناتى

26 رەتكورسەتىلدى

بۋراباي اۋدانىنىڭ «جاقسى-2» سپورت كەشەنىندە ۆولەيبولدان جوعارى ليگاداعى ەرلەر كوماندالارى اراسىندا قازاقستان رەسپۋبليكاسىنىڭ 28-ءشى چەمپيوناتى ءوتتى.

–اقمولا وبلىسىندا دا جىل سايىن سپورتتىق ينفراقۇرىلىمدار نىعايتىلىپ كەلەدى. وڭىردە 2،5 مىڭعا جۋىق سپورتتىق نىساندار جۇمىس ىستەيدى. جەتى اۋداندا دەنە شىنىقتىرۋ-ساۋىقتىرۋ كەشەنى سالىندى. وسىنداي سپورت كەشەندەرىنىڭ قۇرىلىسى ءبىرجان سال، ەرەيمەنتاۋ، ارشالى اۋداندارىندا باستالدى. بيىلعى جىلى جوعارى سپورتتىق شەبەرلىك مەكتەبىنىڭ جەڭىل اتلەتيكالىق مانەجى كۇردەلى جوندەۋدەن ءوتتى. مەملەكەتتىك جەكەمەنشىك اياسىندا كوكشەتاۋ قالاسى مەن بۋراباي اۋدانىندا دا سپورت كەشەنىنىڭ قۇرىلىسى جوسپارلانۋدا. وبلىستا «سامۇرىق قازىنا» قورىمەن بىرلەسە جۇمىس ىستەۋ جاقسى جولعا قويىلىپ، سوڭعى جىلدارى اتالعان قور ءبىزدىڭ وڭىرگە 11 سپورت كەشەنى مەن ۆوركاۋت الاڭىن سىيلادى. 2020 جىلى تاعى دا وسىنداي 10 الاڭ سالىنادى. جالپى، سوڭعى ەكى جىلدا تۇرعىنداردىڭ دەمالىسىن ۇيىمداستىرۋ ءۇشىن 70-تەن استام سپورت جانە بالالار الاڭى سالىندى. ەرلەر مەن جاستار اراسىنداعى ۆولەيبولمەن 24 مىڭنان استام ادام اينالىسادى. بالالار مەن جاسوسپىرىمدەر ۆولەيبولى دا دامۋدا، دەدى وبلىس اكىمىنىڭ ورىنباسارى اينا ءمىسىرالىموۆا.

بيىلعى جىلى «كوكشەتاۋ مينەرالدى سۋلارى» اكتسيونەرلىك قوعامىنىڭ قولداۋىمەن ۆولەيبولدان اقمولا وبلىسىنىڭ ەرلەر اراسىنداعى كاسىپقوي «ۇشقىن كوكشەتاۋ» كلۋبى قۇرىلعان بولاتىن. كوماندا قۇرامىندا سپورت شەبەرلەرى، قازاقستان قۇراماسىنىڭ مۇشەلەرى، حالىقارالىق جارىستاردىڭ بىرنەشە دۇركىن جۇلدەگەرلەرى وينايدى. ولاردىڭ ىشىندە قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى، ازيانىڭ كلۋبتىق چەمپيوناتىنىڭ بىرنەشە دۇركىن جۇلدەگەرى، قازاقستان چەمپيوناتىنىڭ جەڭىمپازى جانە كۋبوك يەگەرى، 2006-2010 جىلدارى ەلىمىزدىڭ ۇلتتىق قۇراما كومانداسىنىڭ مۇشەسى بولعان ناريمان سۇلەيمەنوۆ بار.

–بيىلعى جىلى ءبىزدىڭ كوماندانى جوعارى ليگانىڭ ەرلەر اراسىنداعى كوماندالارى قاتىساتىن قازاقستان رەسپۋبليكاسى چەمپيوناتى مەن كۋبوگىنا دايىنداۋ ءۇشىن وبلىستىق بيۋدجەتتەن 30 ميلليون تەڭگە ءبولىندى. كوماندا ءوزىنىڭ العاشقى جەتىستىگىنە دە قول جەتكىزىپ، تالدىقورعان قالاسىندا وتكەن قازاقستان رەسپۋبليكاسى سۋپەركۋبوگى جارىسىندا 4-ءشى ورىن الدى. وسىنداي سپورتتىق شارالاردى وتكىزۋ وبلىس بويىنشا ۆولەيبول سپورتىن دامىتۋعا وڭ سەرپىن بەرىپ، ەرلەر مەن جاستاردىڭ ونىمەن بەلسەنە اينالىسۋىن قامتاماسىز ەتەدى،–دەي كەلە اينا ءمىسىرالىموۆا كوماندالارعا تارتىمدى دا ناتيجەلى ويىن، جانكۇيەرلەرگە سۇيىكتى كوماندالارىنىڭ جەڭىسىنە دەگەن سەنىم تىلەدى.

سالتانات بارىسىندا چەمپيوناتتىڭ ءبىرىنشى تۋرىنا قاتىساتىن كوماندالار تانىستىرىلدى.

سوڭعى جاڭالىقتار

ازىق-ت ۇلىك باعاسى الاڭداتادى

پارلامەنت • بۇگىن، 08:12

ۇقساس جاڭالىقتار