وبلىستىق دەنە تاربيەسى جانە وقۋ-ادىستەمەلىك ورتالىعىنىڭ ۇيىتقى بولۋىمەن وتكەن دوداعا 14 كوماندادان قۇرالعان 120-دان استام جاس بالۋان قاتىستى. بۇعانالارى ءالى بەكىمەسە دە, جەڭىسكە ۇمتىلعان بالۋاندار قازاق كۇرەسىنە ءتان ءادىس-تاسىلدەردى شەبەرلىكپەن قولدانىپ, جارىس كورىگىن قىزدىرا ءتۇستى. بالۋاندار 8 سالماق دارەجەسى بويىنشا بەلدەستى. ەڭ جەڭىل سالماق 50 كەلى بولسا, تيىسىنشە 90 كەلىدەن جوعارى سالماقتاعى الىپتاردىڭ ايقاسى دا تارتىسقا تولى بولدى.
ء–بىزدىڭ بالۋاندار وزدەرىنىڭ بارلىق كۇش-جىگەرلەرىن سالىپ كۇرەسەدى دەگەن ءۇمىت بار. بۇل جارىستان كەيىن بارلىق كوللەدجدەر قازاق كۇرەسىن قولعا الىپ, ۇيىرمەلەر اشىپ نەمەسە جارىس ۇيىمداستىرسا, نۇر ۇستىنە نۇر. قازىرگى كۇنى قازاق كۇرەسى الەم قىزىعا قاراپ وتىرعان ۇلتتىق سپورتىمىزدىڭ ءبىرى, دەيدى وبلىستىق دەنە تاربيەسى جانە وقۋ-ادىستەمەلىك ورتالىعىنىڭ ديرەكتورى امان ەرمۇقانوۆ.
جاس بالۋانداردىڭ اراسىندا ەرتەڭ ەلدىڭ نامىسىن «الەم بارىسى» سىندى بايراقتى باسەكەلەردە لايىقتى قورعاي الاتىن ازاماتتار جەتەرلىك. سوڭعى جىلدارى ۇلتتىق ونەرگە دەگەن قولداۋ ەرەكشە, ەندىگى ساتتە پالۋانداردىڭ تىنباي ەڭبەكتەنۋى كەرەك.
بەلدەسۋلەردىڭ قورتىندىسىنا سايكەس, جالپى 14 كوماندانىڭ ىشىنەن ششۋچينسك قالاسى جوعارى پەداگوگيكالىق كوللەدجىنىڭ بالۋاندارى قولانى قاناعات تۇتسا, ازاماتتىق قورعانىس جوعارى
كوپسالالى كوللەدجدىڭ بالۋاندارى كۇمىس جۇلدە يەگەرلەرى اتاندى. جوعارى تەحنيكالىق كوللەدجىنىڭ ورەندەرى جارىس جەڭىمپازدارى دەپ تانىلىپ, باعالى سىيلىقتارعا يە بولدى.
