ايماقتار • 03 جەلتوقسان، 2019

اۋداندا ءورت ءسوندىرۋ بەكەتى اشىلدى

43 رەتكورسەتىلدى

تاياۋدا ءبىرجان سال اۋدانىنا قاراستى بايمىرزا اۋىلىندا ءورت ءسوندىرۋ بەكەتى اشىلدى. سالتاناتتى شارادا اۋداننىڭ دامۋىنا ايتارلىقتاي ۇلەس قوسقان بىرقاتار ازاماتتار العىس حاتتارمەن ماراپاتتالدى.

توتەنشە جاعدايدى باقىلايتىن بەكەت بۇعان دەيىن اڭعال باتىر، ءۋاليحان اۋىلدارىندا بولعان. بۇل ءبىرجان سال اۋدانىندا اشىلىپ وتىرعان ءۇشىنشى ءورت ءسوندىرۋ بەكەتى. الداعى ۋاقىتتا اۋدان اۋماعىندا مۇنداي ورىنداردى تاعى دا اشۋ جوسپاردا بار.

–ەلباسىنىڭ باستاماسىمەن ورىستەگەن «100 مەكتەپ، 100 اۋرۋحانا» باعدارلاماسى اياسىندا اۋدانىنىمىزدا 4 جاڭا مەكتەپ، دارىگەرلىك امبۋلاتوريا سالىنىپ، 1 امبۋلاتوريا كۇردەلى جوندەۋدەن وتكىزىلدى. تاياۋدا اۋدان ورتالىعىندا ەمحانامەن بىرىكتىرىلگەن جاڭا اۋرۋحانا سالىناتىن بولادى، دەيدى ءبىرجان سال اۋدانىنىڭ اكىمى ەرمەك نۇعىمانوۆ.    

وبلىس اۋماعىندا ءبىر جىل كولەمىندە ءبىر مىڭنان اسا ءورت وقيعاسى تىركەلىپتى. وقىس وقيعا كەزىندە 30-عا جۋىق ادام ءتىلسىز جاۋدىڭ قۇربانى بولدى. ءبىرجان سال اۋدانىندا دا بيىلعى جىلى ونداعان ءورت وقيعاسى تىركەلگەن.

–اۋداندا بيىلعى جىلى 31 ءورت وقيعاسى ورىن الدى. 9 ميلليون تەڭگەدەن اسا ماتەريالدىق شىعىن كەلدى. ءبىر ايتا كەتەرلىگى، ءورت وقيعالارىنىڭ 22 پروتسەنتى ءورت ءسوندىرۋ بەكەتتەرى جوق جەرلەردە ورىن الىپ وتىر. ال، اۋدانداعى ەلدى مەكەندەردىڭ اراسى تىم الشاق. سوندىقتان، ءورت ءسوندىرۋ بەكەتتەرى وتە قاجەت، دەيدى وبلىستىق توتەنشە جاعدايلار جونىندەگى دەپارتامەنتى باستىعىنىڭ ورىنباسارى ماناربەك شاپاعاتوۆ.   

جاڭادان اشىلعان ءورت ءسوندىرۋ بەكەتى ارنايى تەحنيكامەن جابدىقتالعان. ەلدى مەكەننىڭ 4 ادامى تۇراقتى جۇمىسقا ورنالاستى.

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

بوكسشىلار امماندا ىرىكتەلەدى

كاسىپقوي بوكس • بۇگىن، 06:53

ناقىل سوزدەرگە تولى اعاش

ايماقتار • بۇگىن، 06:47

ۇقساس جاڭالىقتار