سپورت • 03 جەلتوقسان، 2019

اقتاۋدا بالعىن تاەكۆوندوشىلار چەمپيوناتى ءوتتى

159 رەتكورسەتىلدى

1 جەلتوقسان - قازاقستان رەسپۋبليكاسىنىڭ تۇڭعىش پرەزيدەنتى كۇنى مەرەكەسى جانە ماڭعىستاۋ وبلىسى «TaeKwonDo GTF» فەدەراتسياسىنىڭ قۇرىلعانىنا 7 جىل تولۋىنا وراي جاسوسپىرىمدەر اراسىندا اقتاۋ قالالىق چەمپيونات ءوتتى. بۇل تۋرالى ماڭعىستاۋ وبلىسى «TaeKwonDo GTF» فەدەراتسياسى جانىنداعى اتا-انالار كوميتەتى حابارلادى.

جارىستا ءۇش كلۋبتىڭ سپورتشىلارى ءوزارا مىقتىلاردى انىقتادى. اتاپ ايتقاندا ساتتىعۇل ءابىتوۆ جەتەكشىلىك ەتەتىن «ورلەۋ»، بۇركىت يساك ۇلى باستاعان «Taifun» جانە باقبەرگەن مۇراتباەۆ تىزگىندەگەن «Dragon» كلۋبى. 

ايتا كەتۋ كەرەك، چەمپيونات قورىتىندىسى بويىنشا وبلىستىڭ جاڭا قۇراما كومانداسى جاساقتالىپ، ورال قالاسىندا وتەتىن «باتىس كۋبوگى» رەسپۋبليكالىق اشىق تۋرنيردە ونەر كورسەتەدى. ال 2020 جىلى قاڭتار ايىندا شىمكەنت شاھارىندا ەل بىرىنشىلىگى وتەدى. سونىمەن قاتار نۇر-سۇلتان قالاسىندا اشىق حالىقارالىق تۋرنير وتكىزۋ كوزدەلگەن. ال نەگىزگى دايىندىق بولگاريانىڭ سوفيا قالاسىندا جالاۋى جەلبىرەيتىن جاسوسپىرىمدەر، جاستار جانە ارداگەرلەر اراسىندا الەم چەمپيوناتى بولماق. 

اقتاۋدا «TaeKwonDo GTF» تۇجىرىمى بويىنشا فەدەراتسياسىنىڭ قۇرىلعانىنا بيىل 7 جىل تولىپ وتىر. ياعني، 1 جەلتوقسان فەدەراتسيانىڭ تۋعان كۇنى بولىپ سانالادى. فەدەراتسيا پرەزيدەنتى ساتتىعۇل ءابىتوۆتىڭ ايتۋىنشا، بالعىن تاەكۆوندوشىلار كەز-كەلگەن بايراقتى دودادا ماڭعىستاۋدىڭ نامىسىن قورعاۋعا ساقاداي ساي دايىن. وقۋ-جاتتىعۋ جيىندارى «وركەن» جانە «ورلەۋ» وقۋ ورتالىعى مەن №8 ورتا مەكتەپتە وتەدى. الداعى وتەتىن جارىستاردا ماڭعىستاۋ كومانداسى مەدالدىڭ بارلىعىنان ءۇمىتتى، اسىرەسە التىننان. باپكەر ءوز شاكىرتتەرىنىڭ الداعى دودادا اتوي سالاتىنىنا سەنىمدى.

-بۇگىنگى جارىسىمىز جوعارى دەڭگەيگە ۇيىمداستىرىلدى دەپ ويلايمىن، سەبەبى جەڭىسكە دەگەن جىگەرى مىقتى ۇلدار مەن قىزداردىڭ كوپ ەكەندىگى قاتتى قۋانتتى. قاتىسۋشىلار سانى 200-دەن اسىپ ءتۇستى. ال ال سپورتتىڭ وسى تۇرىمەن اينالىسۋشىلار قاتارى 500-دەن اسىپ جىعىلادى. بۇل تەك ءۇش سپورت كلۋبى بويىنشا. بولاشاقتا ءار اۋداندا سپورتتىق ۇيىرمەلەر اشۋدى كوزدەيمىز. قازىردىڭ وزىندە جاڭاوزەن قالاسى مەن اۋدانداردا سۇرانىس بار، بىراق تاجىريبەلى باپكەرلەر جەتكىلىكسىز بولعاندىقتان بۇل سۇراقتى كەيىنگە قالدىرىپ وتىرمىز، دەيدى فەدەراتسيا پرەزيدەنتى. 

جارىس «حەنگ» جانە «ماسسوگي» باعدارلاماسى بويىنشا ءوتتى. بارلىعى 160 مەدال ساراپقا سالىندى. 4-5، 6-7، 8-9، 10-11 جانە 12-13، 14-15 جاس ارالىعىندا وتكەن چەمپيونات قورىتىندىسى بويىنشا 40 ءبىرىنشى ورىن، 40 ەكىنشى جانە 80 ءۇشىنشى يەگەرلەرى انىقتالدى. بارلىق جەڭىمپازدارعا مەن جۇلدەگەرلەرگە التىن، كۇمىس، قولا مەدالدار جانە ديپلومدار تابىستالدى.

سونىمەن قاتار جارىس كەزىندە «ۇزدىك تەحنيكا» كورسەتكەن 6 سپورتشىعا ارنايى كۋبوكتان بەرىلدى. ولار اسحات قوجاباي، ايدىن ءابدىراشيت، انەل تالعاتوۆا، دۋلات نۇراسىل، جاقسىلىق ساپارباەۆ جانە الديار تۇركمەنباي.

-قاراجات تاپشىلىعى سپورتشىلارعا بيىك شىڭداردى باعىندىرۋعا قولبايلاۋ بولىپ وتىر. ازىرگە سپورتشىلار جارىستارعا ءوز قارجىسىمەن بارىپ ءجۇر. بۇل رەتتە فەدەراتسيا جانىنان قۇرىلعان اتا-انالار كوميتەتى بار اۋىرتپالىقتى، اسىرەسە قارجى ماسەلەسىن ءوز مويىنىنا العان. بالعىن تاەكۆوندوشىلار قالتاسى قالىڭ جومارت جانداردان قولداۋ كۇتەتىندەرىن جاسىرمايدى. دەمەۋشىلەر تابىلسا الەمدىك ارەنالاردا كوك تۋىمىز بيىكتەن جەلبىرەپ، ءانۇرانىمىز تالاي شىرقالارى ءسوزسىز، دەيدى اتا-انالار كوميتەتىنىڭ مۇشەسى نۇربول قونجار.

456

سوڭعى جاڭالىقتار

ازىق-ت ۇلىك باعاسى الاڭداتادى

پارلامەنت • بۇگىن، 08:12

جىلدىڭ جۇمىس جوسپارى ناقتىلاندى

پارلامەنت • بۇگىن، 08:06

ۇقساس جاڭالىقتار