قوناقتار رەتىندە سالتاناتتى شاراعا اسكەري قىزمەتشىلەردىڭ تۋعان-تۋىسقاندارى, قارۋلى كۇشتەردىڭ ارداگەرلەرى, بيلىك ورگاندارى مەن قوعامدىق ۇيىمداردىڭ وكىلدەرى قاتىستى. قوناقتاردىڭ نازارىنا جاۋىنگەرلىك دايارلىق پاندەرى بويىنشا اسكەري قىزمەتشىلەردىڭ كورسەتپەلى كورسەتىلىمدەرى ۇسىنىلدى. اسكەري قىزمەتشىلەردىڭ تۋىسقاندارى مەن مەيماندار قىزمەت وتكەرۋ جاعدايلارىمەن تانىستى, ءبولىم قولباسشىلىعىمەن كەزدەستى.
ءراسىم اسكەري بولىمدەردىڭ اۋماعى جانە جاۋىنگەرلىك داڭق ەسكەرتكىشتەرى الدىندارى مەن قالالىق ساياباقتاردا ءوتتى. اقتوبە قالاسىندا جاس تولىمدى ساربازداردى اسكەري انتقا كەلتىرۋ قازاقستان رەسپۋبليكاسىنىڭ تۇڭعىش پرەزيدەنتى پاركىندە وتسە, ال اتىراۋ قالاسىندا جەڭىس ساياباعىندا, اقتاۋ قالاسى جانە بەينەۋ ەلدىمەكەنىندە ءىس-شارا اسكەري ءبولىم اۋماعىندا ءوتتى. انت قابىلداعان ساربازداردىڭ ۇزىن سانى 700-گە جەتسە, ولاردى قولداۋعا ەلىمىزدىڭ شەت-شەتىنەن 1500-عا جۋىق جاقىن-تۋىسقاندارى كەلىپ-جەتتى.
-اسكەري انت – ەر ازاماتتىڭ ەل الدىندا دەگەن جوعارى جاۋاپكەرشىلىگىن حالىقتىڭ الدىندا ادال نيەتىنە سالتاناتتى تۇردە سەندىرۋى مەن ۋادە بەرۋى بولىپ تابىلادى. جاۋگەرشىلىك زامانداردا ساربازدار ەلدىڭ ەركىندىگى, نامىسى ءۇشىن جان اياماسقا سەرتتەسىپ, قىلىشتىڭ ءجۇزىن ءسۇيىپ انت بەرگەن. ەل قورعاۋ مىندەتىن وتەردە انت بەرۋ سالتى قازىر جاڭا مازمۇنمەن بايىدى. سىزدەر, بۇگىن قارۋلى كۇشتەردىڭ قاتارىنا كىرە وتىرا, قازاقستان حالقى مەن ونىڭ زاڭدى سايلانعان پرەزيدەنتىنە اقتىق دەمدەرىن قالعانشا ادال بولۋعا, كونستيتۋتسيا مەن زاڭداردى قاستەرلەپ ساقتاۋعا سالتاناتتى تۇردە انت ەتەسىزدەر, دەپ «باتىس» وڭىرلىك قولباسشىلىعىنىڭ اسكەرلەرى قولباسشىسى پولكوۆنيك نۇرلان الدياروۆ ساربازدارعا ءسوز جولدادى.
-ءدال وسى مەيرام كۇنى انت قابىلداۋ مەن ءۇشىن زور قۇرمەت. بارشا قازاقستاندىقتاردى قازاقستان رەسپۋبليكاسىنىڭ تۇڭعىش پرەزيدەنتى كۇنىمەن قۇتتىقتاعىم كەلەدى! ءبىز وتانىمىزدىڭ يگىلىگى ءۇشىن ءوزىمىزدىڭ اسكەري بورىشىمىزدى ادال ورىندايتىنىمىزعا سەنىمدى تۇردە ايتا الامىن,دەدى گۆارديا قاتارداعى جاۋىنگەرءى ۆلاديمير كولدين.
اسكەري انت قابىلداعان جاس ساربازدار ەندىگى كەزەكتە جاس مامانداردى دايارلاۋ باعدارلاماسىنا سايكەس جاۋىنگەرلىك ۇردىسكە قول سۇعا كىرىسەدى. جارتى جىلدان سوڭ ولار اسكەري ماماندىق يەسى اتانىپ, ارتيللەرياشى, تانكىشى, اتقىش, بايلانىسشى لاۋازىمدارىندا تولىققاندى وتان قورعاۋشىلار مارتەبەسىنە يە بولادى.
قازىرگى ۋاقىتتا اسكەرگە دەنە ءبىتىمى شىنىققان, ءبىلىمدى, مورالدىق تۇرعىدا تۇراقتى بوزبالالار كەلەدى. ارداگەرلەر مەن اسكەري بولىمدەردىڭ كومانديرلەرى ولار داڭقتى جاۋىنگەرلىك ءداستۇردىڭ لايىقتى ۇرپاعىنا اينالىپ, قازاقستان رەسپۋبليكاسىنا قالتقىسىز قىزمەت ەتۋدىڭ ۇلگىسى بولاتىندارىنا كامىل سەنەدى.
