«رۋحاني جاڭعىرۋ» باعدارلاماسىن ىسكە اسىرۋ, سوت جۇيەسىن مودەرنيزاتسيالاۋ, پرەزيدەنتتىڭ جولداۋىندا قويىلعان مىندەتتەردى جۇزەگە اسىرۋ شەڭبەرىندە مەملەكەتتىك ءتىلدىڭ قولدانۋ اياسىن كەڭەيتۋ, سوت اكتىلەرىنىڭ ساپاسىن ارتتىرۋ, بىتىمگەرشىلىك راسىمدەرىن ناسيحاتتاۋ ماقساتىندا وتكىزىلگەن سەمينارعا ماڭعىستاۋ وبلىستىق سوتىنىڭ توراعاسى ەرجان داۋليەۆ, باتىس قازاقستان, اقتوبە, اتىراۋ, قىزىلوردا, ماڭعىستاۋ وبلىسىنىڭ سۋديالارى, مەملەكەتتىك جانە قۇقىق قورعاۋ ورگاندارىنىڭ وكىلدەرى, سوت جۇيەسىنىڭ ارداگەرلەرى, بيلەر كەڭەسىنىڭ مۇشەلەرى, مەدياتورلار, ادۆوكاتتار, بلوگەرلەر مەن باق وكىلدەرى, بارلىعى 100-دەن استام ادام قاتىستى.
ەرجان داۋليەۆ مەملەكەتتىك ءتىلدىڭ ءىس جۇرگىزۋدەگى قولدانۋ اياسىن كەڭەيتۋ, داۋلاردى بىتىمگەرشىلىكپەن اياقتاۋ, سوت اكتىلەرىنىڭ ساپاسىن ارتتىرۋعا دەن قويۋ ماسەلەرىنە نازار اۋداردى. ول سوتقا دەيىنگى ءىس جۇرگىزۋ ورگاندارىنىڭ پروتسەستىك قۇجاتتاردى دايىنداۋ كەزىندە تىلدىك قاعيداتتى ىسكە اسىرۋدى رەتتەيتىن قۇقىقتىق نورمالاردى قاتاڭ ساقتاۋ قاجەتتىگىن اتاپ ءوتتى.
بيلەر كەڭەسىنىڭ توراعاسى مارات مولداعۇلوۆسوت جۇيەسىنىڭ دامۋىنداعى بيلەر كەڭەسىنىڭ ماڭىزى مەن ءرولىنە توقتالىپ ءوتتى.
ودان ءارى ماڭعىستاۋ وبلىستىق سوتىنىڭ قىلمىستىق ىستەر جونىندەگى سوت القاسىنىڭ توراعاسى ەرجان قاراباەۆ مەملەكەتتىك تىلدە تورەلىك ەتۋدىڭ ماڭىزى جانە سوت قۇقىق جۇيەسىندە قازاق ءتىلىنىڭ قولدانىسىن ارتتىرۋ تۋرالى ايتتى. سونداي-اق, «ماڭعىستاۋ وبلىسى سوتتارىندا بارلىق قۇجات اينالىمىنىڭ 90 پايىزىنان كوبى مەملەكەتتىك تىلدە جۇرگىزىلەدى. سوت وتىرىستارىنا اۋدارماشىنى قاتىستىرا وتىرىپ, ءىستى مەملەكەتتىك تىلدە قاراۋعا دا باسىمدىق بەرىلگەن. وسى ورايدا اۋىر بولسا دا قىلمىستىق ىستەردى مەملەكەتتىك تىلدە قاراۋعا باسىمدىق بەرىلىپ وتىر», - دەدى ەرجان قاراباەۆ.
ءىس-شارادا مەدياتسيا جانە ونى دامىتۋدىڭ جولدارى, ءىس جۇرگىزۋدەگى مەملەكەتتىك ءتىلدىڭ قولدانىلۋى, قىلمىستىق ءىس جۇرگىزۋدەگى مەملەكەتتىك ءتىلدى ساقتاۋ قاعيداتى, قىلمىستىق جانە ازاماتتىق ىستەر بويىنشا سوت اكتىلەرىنىڭ ساپاسىن ارتتىرۋ ماسەلەلەرىنە ءمان بەرىلدى.
قاتىسۋشىلار ايتىلعان ماسەلەلەرءدى الداعى ۋاقىتتا وزدەرىنىڭ قىزمەتتەرىندە پايدالاناتىندىقتارىن جەتكىزىپ, ۇسىنىستاردى قولدادى.
