قازاقستان • 30 قاراشا، 2019

التاي كولگىنوۆ 400-دەن استام وتباسىنا پاتەر كىلتتەرىن تابىستادى

24 رەتكورسەتىلدى

تۇڭعىش پرەزيدەنت كۇنى مەرەكەسى قارساڭىندا «نۇرلى جەر» تۇرعىن ءۇي قۇرىلىسى باعدارلاماسى اياسىندا ەلوردا اكىمى التاي كولگىنوۆ تۇرعىن ءۇي كەزەگىندە تۇرعان 419 ازاماتقا پاتەر كىلتتەرىن تابىستادى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.

پاتەرلەر الەۋمەتتىك ءالسىز توپتارعا جاتاتىن ازاماتتارعا بەرىلدى. بىرنەشە بلوكتاردان تۇراتىن تۇرعىن ءۇي كەشەنى ن. تەنديەۆ داڭعىلى مەن ش. بەيسەكوۆ كوشەسىنىڭ قيىلىسىندا ورنالاسقان. «تاۋەلسىزدىگىمىزدىڭ نەگىزىن قالاۋشى، ەلباسى نۇرسۇلتان ءابىش ۇلى ازاماتتارىمىز ءۇشىن جاعداي جاساۋىمىز كەرەك ەكەنىن ايتىپ كەلەدى. وسىنداي تۇرعىن ءۇي الاتىن مەملەكەتتىك باعدارلاما بۇرىڭ سوڭدى بولماعاندى. قازىر ەلوردادا جىل سايىن 2 ملن شارشى مەترگە دەيىن تۇرعىن ءۇي سالىنىپ جاتىر، 80% - دان استامى جەكە ينۆەستيتسيالار ارقىلى. تەك وسى ۇيدە  400-دەن استام پاتەر ورنالاسقان. كەلەسى جىلى مەملەكەت باسشىسى قاسىم-جومارت كەمەل ۇلىنىڭ تاپسىرماسىنا ورىنداۋ ماقساتىندا قولجەتىمدى تۇرعىن ءۇي قۇرىلىسىنىڭ كولەمىن 3 ەسەگە ارتتىرامىز»، - دەدى ا. كولگىنوۆ. ماسەلەن، جالعا بەرىلەتىن تۇرعىن ءۇيدىڭ يەسى جاننا تاكەنوۆا 2009 جىلدان باستاپ كەزەكتە تۇرعانىن ايتتى. «كورشىلەرىمىزبەن تانىسىپ ۇلگەردىك، بارلىعىمىز وتە قۋانىشتىمىز»، - دەدى. «بۇگىن ءبىز ءۇشىن وتە ماڭىزدى كۇن. بىزگە بەرىلگەن پاتەر ءۇشىن مەملەكەتكە العىس بىلدىرەمىن. مەن ەرەكشە قاجەتتىلىگى بار بالانى تاربيەلەپ وتىرمىن. قالا تۇرعىندارىنا ايتارىم، ەش كۇماندانباي قۇجاتتاردى تاپسىرىڭىزدار. سىزدەردە پاتەر يەگەرى اتا الاسىزدار»، - دەپ اتاپ ءوتتى ج. تاكەنوۆا. ەلوردانى ودان ءارى دامىتۋ جونىندەگى كەڭەستە مەملەكەت باسشىسى بالالاردىڭ تەرەزەدەن قۇلاۋىن بولدىرماۋ ءۇشىن قۇرىلىس نورمالارىنداعى قاۋىپسىزدىك پارامەترلەرىن كۇشەيتۋدى تاپسىردى. وسىلايشا، جاڭا ءۇيدىڭ بارلىق پاتەرلەرىندە تەرەزەلەردى بەكىتۋگە ارنالعان قۇرىلعىلار ورناتىلعان. «قاراپايىم زاتتار ەكونوميكاسى» باعدارلاماسىن دامىتۋ شەڭبەرىندە تك سالۋ ءۇشىن نەگىزىنەن وتاندىق ءوندىرىستىڭ قۇرىلىس ماتەريالدارى پايدالانىپ، ءوز ەلىمىزدە شىعارىلعان ليفتىلەر قويىلدى . قالا اكىمى التاي كولگىنوۆ كوكتەم باستالىسىمەن اۋماقتى اباتتاندىرۋ جۇمىستارى باستالاتىنىن اتاپ ءوتتى: اعاشتار وتىرعىزىلادى، قوسىمشا ورىندىقتار، بالالار ترەناجەرلەرى جانە ت. ب. ورناتىلادى.

سوڭعى جاڭالىقتار

تولەم الۋعا – Telegram-بوت

قوعام • بۇگىن، 08:05

قارجى حالىققا باعىتتالادى

ۇكىمەت • بۇگىن، 07:53

قۇپتارلىق قادام

پارلامەنت • بۇگىن، 07:47

مەشىتتە بەتپەردە تسەحى اشىلدى

ايماقتار • بۇگىن، 07:35

ەلگە پايداسى تيگەن ادام جاقسى

پارلامەنت • بۇگىن، 07:30

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار