تۇركيادان شىعاتىن «قازاق ەلى» جۋرنالىنىڭ شىعارۋشى رەداكتورى ەرتولقىن گايرەتۋللاح, باسپاگەر سەرحان دينچتۇرك, يرانداعى Pars Today اگەنتتىگى قازاق رەداكتسياسىنىڭ ءجۋرناليسى گاۋحار جۇماعازىقىزى, وزبەكستاندا تارالاتىن «نۇرلى جول» گازەتىنىڭ باس رەداكتورى عۇلامزاكىر يۋسۋپوۆ, وزبەكستاندىق ارداگەر جۋرناليست قاتيرا نۇرباەۆا, موڭعوليانىڭ بايان-ولگي ايماقتىق راديوسىنىڭ ءتىلشىسى قۋات ۋاتحان, رەسەيدەن شىعاتىن ء«شۇيدىڭ نۇرى» گازەتىنىڭ رەداكتورى ارقالىق سولتانوۆ جانە باسقالارى بيىل ءوزىنىڭ ءجۇز جىلدىعىن اتاپ ءوتىپ جاتقان «Egemen Qazaqstan» گازەتىنىڭ ۇجىمىن مەرەيتويىمەن قۇتتىقتادى. وزدەرى قىزمەت ەتەتىن باق پەن ەل گازەتىنىڭ ءوزارا ىنتىماقتاستىعى جونىندە پىكىر الماستى. ۇسىنىستارىن جەتكىزدى. سونداي-اق مەيماندار «ەگەمەن»-ءنىڭ جۋرناليستەرىمەن ەمەن-جارقىن سۇحبات قۇردى.
«Egemen Qazaqstan» گازەتىنىڭ باسقارما توراعاسى دارحان قىدىرالى ارنايى كەلگەن مەيماندارعا العىس ايتىپ, ەل گازەتىنىڭ ءجۇز جىلدىق مەرەيتويى اياسىندا اتقارىلىپ جاتقان ءىس-شارالار تۋرالى قىسقاشا باياندادى. سونداي-اق ارىپتەستەر تاراپىنان ايتىلعان ۇسىنىس-تىلەكتەر الداعى ۋاقىتتا ەسكەرىلەتىنىن, قانداستارىمىز قىزمەت ەتەتىن شەت ەلدەردەگى اقپارات قۇرالدارىمەن ءوزارا ىنتىماقتاستىقتا جۇمىس ىستەۋگە دايىن ەكەنىن جەتكىزدى.
ايتا كەتەيىك, الىستان ات تەرلەتىپ كەلگەن ارىپتەستەرىمىزبەن كەزدەسۋ تۋرالى ماتەريالدىڭ تولىق نۇسقاسىن «Egemen Qazaqstan» گازەتىنىڭ الداعى ساندارىنان وقي الاسىزدار.
سۋرەتتەردى تۇسىرگەن ورىنباي بالمۇرات
