ايماقتار • 27 قاراشا، 2019

الماتى قالاسىندا «كۇن بەلدەۋى» ۇلكەن اتتراكتسيوندار پاركى اشىلادى

16 رەتكورسەتىلدى

بۇل تۋرالى AIF-2019 ينۆەستيتسيالىق فورۋمىندا قالا اكىمى باقىتجان ساعىنتاەۆ مالىمدەدى.

«الماتى قالاسىنىڭ «كۇن بەلدەۋى» ۇلكەن اتتراكتسيوندار پاركىن قۇرۋعا مۇمكىندىك بەرەدى، ولار تەك قازاقستان وڭىرلەرىنىڭ تۇرعىندارى ءۇشىن عانا ەمەس، شەتەلدىك تۋريستەر ءۇشىن دە تارتىلىس ايماعىنا اينالادى. ءبىز وقيعالى ءتۋريزمدى دامىتامىز. ەل ىشىندە دە، شەتەلدەن كەلگەن قوناقتاردى دا تارتاتىن كونتسەرتتەر، شوۋ، فەستيۆالدار، قويىلىمدار وتكىزۋ قاجەت. سونداي-اق ويىن تۇرىندە وقىتۋعا (edutaintment) نەگىزدەلگەن نىسانداردى دامىتۋ قاجەت. بۇل مۋزەيلەر، كورمەلەر جانە باسقا دا قوعامدىق كەڭىستىك، مۇندا تۇرعىندار مەن قوناقتار، اسىرەسە بالالار ويىن-ساۋىق ارقىلى ەلىمىزدىڭ، قالامىزدىڭ، ولكەمىزدىڭ باي تاريحىن تانيدى»،- دەپ اتاپ ءوتتى باقىتجان ساعىنتاەۆ.

«كىتاپحانالاردا ءبىز جاس قالامگەرلەردى ءوز تۋىندىلارىن iTunes، yandex، bookmate، amazon سەكىلدى ساندىق قۇرالدار ارقىلى تابىستى ساتۋ جانە ىلگەرىلەتۋ ادىستەرىنە ۇيرەتەتىن بولامىز. بىزدە وزىندىك قولتاڭباسى بار، مادەني جانە تاريحي مۇرالار انا سۇتىمەن دارىعان شىنايى تالانتتى جازۋشىلار بار. ءتيىستى قولداۋدىڭ ارقاسىندا ءبىزدىڭ جازۋشىلارىمىز دۇنيەجۇزى بويىنشا ءوز وقىرماندارىن تابارىنا سەنىمدىمىن»، - دەدى اكىم.

سونىمەن قاتار، ول الماتى قالاسىن قازاقستاندىق ساۋلەتشىلەردىڭ نەگىزگى وقۋ ورتالىعى دەپ اتادى. اكىمدىك مەگاپوليستىڭ بىرەگەي تاريحي عيماراتتارى تۋرالى اقپارات جيناۋ جۇمىستارىن باستادى. «بىرىڭعاي ساۋلەتتىك جانە ديزاينەرلىك كودتى جاساپ، قالامىزداعى بولاشاق وبەكتىلەردىڭ قۇرىلىسىنا ەنگىزەمىز. قازىرگى ديزاين تاريحي عيماراتتارمەن ۇيلەسۋى ءتيىس. جاڭادان سالىنعان ءاربىر وبەكت قالامىزدى تارتىمدى ەتىپ، ەرەكشەلەي ءتۇسۋى قاجەت»،- دەپ اتاپ ءوتتى باقىتجان ساعىنتاەۆ.

اكىمنىڭ پىكىرىنشە، الماتىداعى ءسان كورسەتىلىمدەرى ءداستۇرلى ءىس-شارالار عانا ەمەس، سونداي-اق ءسان يندۋسترياسىنىڭ پروبلەمالارىن تالقىلاپ، ونى شەشۋ جولدارىن ىزدەستىرەتىن الاڭعا اينالۋى ءتيىس.

ء«بىز جۇمىسىن جاڭا باستاعان جاس ديزاينەرلەرگە شەبەرحانالار ۇسىنىپ، ونىمدەرىن ىشكى نارىقتا ناسيحاتتاۋعا كومەكتەسەمىز»،- دەدى ساعىنتاەۆ.

ءسوز سوڭىندا ساعىنتاەۆ، الماتىدا جۇمىس ىستەيتىن تۇرعىنداردىڭ 70% جوعارى ءبىلىمدى ەكەنىن اتاپ ءوتتى. مەگاپوليستە - 39 جوعارى وقۋ ورنى بار. جۇمىسپەن قامتىلعانداردىڭ ۇشتەن ەكىسى (2/3) شاعىن جانە ورتا كاسىپكەرلىكتە، ول قازىناعا سالىقتىڭ 63%-ىن اكەلەدى. ينۆەستورلار ءۇشىن جاڭا قولداۋ قۇرالدارى سالىندى. الەۋمەتتىك كاسىپكەرلىك كورپوراتسياسى بازاسىندا ء«بىر تەرەزە» قاعيداتى بويىنشا قىزمەت كورسەتەتىن Almaty Invest ورتالىعى اشىلدى. قالا اكىمى ينۆەستورلاردى مەگاپوليس ەكونوميكاسىن دامىتۋعا شاقىردى.

 

 

الماتى

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار