اسۋلاردان اسامىز

ەلباسىنىڭ بۇكىل ۇلتقا ار­نا­عان جاڭا ستراتەگيالىق جول­داۋ­ىندا بۇرىن-سوڭدى قولعا الماعان مىندەتتەر اتاپ كورسەتىلگەن جانە ءومىر سالتى تۋرالى جاڭا تۇجىرىم­دار ايقىندالعان. ونىڭ ءبارى دە ۇلت بولاشاعى مەن جاس ۇرپاق ءۇشىن اتقارىلماق. ەلباسى بولاشاقتا ورىندالا­تىن ستراتەگيالىق جوسپارىندا: “بۇل باعدارلامانىڭ تۇپكى ماق­سا­تى ەلىمىزدىڭ تاۋەلسىزدىگىن باياندى ەتۋ, قازاقتىڭ ۇلت بولىپ, قالىپ­تا­سىپ وركەندەۋىنە جول اشۋ, ونىڭ ءتىلى مەن مادەنيەتىنىڭ كەڭ قۇلاش جايىپ دامۋىنا مۇمكىندىك تۋ­عى­زۋ”, دەپ قاداپ ايتقان. سونىمەن ءبىر­گە, الداعى ۋاقىتتا ءومىر ءسۇرۋ ساپاسى دا جاقسارىپ, كوركەيە تۇسەتىن بولادى. اۋىل شارۋاشىلىعىنداعى ەڭ­بەك ونىمدىلىگىن ەسەلەپ ارتتىرۋ كوزدەلىپ وتىر. ول ءۇشىن اۋىل جاستارىن وقىتىپ, ولارعا جان-جاقتى كاسىپتىك ءبىلىم بەرۋگە تۋرا كەلەدى. سالاماتتى ءومىر سالتى سال­تانات قۇرماق. ۇلى مىندەتتەر بۇكىل حالىقتىڭ ەڭبەگىنىڭ ارقاسىندا جۇزەگە اساتىن بولادى. قىرمان دانگە, قورا مالعا تولۋ ءۇشىن بۇكىل حالىق بولىپ جۇمىس ىستەۋىمىز كەرەك. تولەن قاۋپىنباي ۇلى, جامبىل اتىنداعى حالىقارالىق سىيلىقتىڭ لاۋرەاتى,  م. ماقاتاەۆ اتىنداعى ادەبي سىيلىقتىڭ يەگەرى, الماتى وبلىسىنىڭ قۇرمەتتى ازاماتى.