جوعارىدا اتالعان قوس مەملەكەت اراسىنداعى ساياسي جاعدايدىڭ تالاي جىلدان بەرى ۋشىعىپ تۇرۋى حالىقارالىق تەننيس فەدەراتسياسىنىڭ وسىنداي شەشىم قابىلداۋىنا تۇرتكى بولدى. سول سەبەپتى دە ايتۋلى ۇيىم پاكىستان مەن ءۇندىستان قۇرامالارىنىڭ ءوزارا باسەكەسىن بەيتاراپ ەلدە, ياعني قازاقستاندا وتكىزۋدى قۇپ كوردى. ال ازيا مەن مۇحيت جاعالاۋى ەلدەرىنىڭ ىرىكتەۋ تۋرنيرىندە توپ جارعان كوماندا وسى جارىستىڭ نەگىزگى كەزەڭىنە جولداما الۋ ءۇشىن كەلەسى جىلى حورۆاتيا تەننيسشىلەرىمەن شەبەرلىك بايقاسادى.
سونىمەن قاتار, 2020 جىلى وتەتىن دەۆيس كۋبوگى جولىنداعى جارىستىڭ ىرىكتەۋ تۋرنيرىندە قازاقستاننىڭ ورەندەرى قايتا گوللانديا قۇراماسىمەن كەزدەسەتىن بولدى. ەستەرىڭىزگە سالا كەتەيىك, جۋىردا عانا ايتۋلى دودانىڭ فينالدىق كەزەڭىندە ءداپ وسى كوماندانى ءبىزدىڭ جىگىتتەر 2:0 ەسەبىمەن جەڭگەن ەدى.
