اتالعان باعىتتاعى جۇمىس تۋرالى قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى ا. جۇماعاليەۆ جانە «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما ءتورايىمى ءا. بالتاشەۆا باياندادى.
مەملەكەتتىك قىزمەتتەر تىزىلىمىنە 723 مەملەكەتتىك قىزمەت ەنگىزىلگەن, ولاردىڭ 580-ءى نەمەسە 80% ەلەكتروندى فورماتتا, «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى 648 قىزمەت نەمەسە قىزمەتتەردىڭ 89,6%-ى ۇسىنىلادى. 143 قىزمەت نەمەسە 19,8%-ى ازىرگە قاعاز فورماتىندا عانا قولجەتىمدى. 182 مەملەكەتتىك قىزمەت بويىنشا بيزنەس پروتسەستەر وڭتايلاندىرىلعان, قۇجاتتاردىڭ ورتاشا سانى 30%-عا – 6-دان 4-كە, قىزمەت كورسەتۋدىڭ ورتاشا مەرزىمى 3 ەسە – 31-دەن 10 كۇنگە دەيىن قىسقارتىلعان. 2018 جىلمەن سالىستىرعاندا, كومپوزيتتىك مەملەكەتتىك قىزمەتتەردىڭ سانى 2 ەسەگە ارتقان.
2019 جىلدىڭ 10 ايىنىڭ قورىتىندىسى بويىنشا «eGov» پورتالىندا 10 ملن استام پايدالانۋشى تىركەلدى, 36,5 ملن قىزمەت الىندى (2018 جىلى – 27,5 ملن قىزمەت). «eGov mobile» جاڭا ءموبيلدى قوسىمشاسى ازىرلەندى. قوسىمشادا 31 قىزمەت پەن سەرۆيس ىسكە اسىرىلدى, وسى جىلدىڭ سوڭىنا دەيىن قوسىمشا 32 قىزمەتتى ىسكە اسىرۋ جوسپاردا بار.
2018 جىلدىڭ قورىتىندىسى بويىنشا تسيفرلىق ساۋاتتىلىق دەڭگەيى 79,6% قۇرادى, جوسپارلانعان كورسەتكىش – 77%. بيىل 532 مىڭ ادام وقىتىلدى, جوسپار بويىنشا – 462 846 ادام.
«ازاماتتارعا ارنالعان ۇكىمەت» مەملەكەتتىك كورپوراتسياسى قۇجاتتاردى قابىلداۋ جانە بەرۋ ءۇشىن قازپوشتانىڭ 1656 بولىمشەسى, 348 فرونت وفيس, 16 مامانداندىرىلعان, 17 كوشى-قون جانە 18 تسيفرلىق حقكو ارقىلى مەملەكەتتىك قىزمەتتەردى ۇسىنادى.
«قر تۇڭعىش پرەزيدەنتى – ەلباسى نۇرسۇلتان نازارباەۆتىڭ تاپسىرماسى بويىنشا مەملەكەتتىك قىزمەتتەر كورسەتۋ سالاسىن جەتىلدىرۋ باعىتىندا اۋقىمدى جۇمىس جۇرگىزىلىپ جاتىر. مەملەكەت باسشىسى قاسىم-جومارت توقاەۆ ۇكىمەت جۇمىسىندا وسى باعىتتىڭ ماڭىزدى ەكەنىن بىرنەشە رەت اتاپ ءوتتى. جىل سوڭىنا دەيىن مەملەكەتتىك قىزمەتتەردىڭ 80%-نا حالىق ينتەرنەت ارقىلى قول جەتكىزە الاتىن بولادى. ءبىزدىڭ الدىمىزدا كەلەسى جىلدىڭ سوڭىنا دەيىن وسى كورسەتكىشتى 90%-عا دەيىن جەتكىزۋ مىندەتى تۇر», — دەدى ا. مامين.
ۇكىمەت باسشىسى تۇرعىندار ءۇشىن ءموبيلدى قۇرىلعىلار ارقىلى قولجەتىمدى مەملەكەتتىك قىزمەتتەر تىزبەسىن كەڭەيتۋ جۇمىسىن تەزدەتۋدى تاپسىردى.
«بۇگىندە “e-Gوv mobile” ءموبيلدى قوسىمشاسى ارقىلى 31 نەمەسە شامامەن 4% مەملەكەتتىك قىزمەت پەن سەرۆيس قولجەتىمدى», — دەدى ا. مامين.
پرەمەر-مينيستر ۆەدومستۆولىق جۇيەلەردىڭ تۇراقتى جۇمىس ىستەۋىن باقىلاۋ مەن مونيتورينگتەۋدى كۇشەيتۋ ماقساتىندا ءار ۋاكىلەتتى ورگان دەڭگەيىندە ءبىرىنشى باسشىنىڭ وسى ماسەلەگە جەتەكشىلىك ەتەتىن ورىنباسارىن دەربەس جاۋاپتى ەتىپ بەلگىلەۋدى تاپسىردى.
«اقپاراتتىق جۇيەلەردى ينتەگراتسيالاۋ جوسپارى بارلىق مەملەكەتتىك ورگاندارعا قاتىستى جانە 2019-2020 جىلدارعا ەسەپتەلگەن. بيىلعا جوسپارلانعان جۇمىستاردىڭ جارتىسى عانا ورىندالعان. ال قالعان 50% ۇزاققا سوزىلىپ كەتتى نەمەسە ولارعا بيۋدجەتتى جوسپارلاۋ ساپاسى تومەن. قارجى, ينۆەستيتسيالار جانە ينفراقۇرىلىمدىق دامۋ, ەنەرگەتيكا, ەكولوگيا, ءبىلىم جانە عىلىم, ىشكى ىستەر مينيسترلىكتەرى جىل سوڭىنا دەيىن جوسپاردىڭ 100% ورىندالۋىن قامتاماسىز ەتۋى قاجەت», — دەدى ا. مامين.
ۇكىمەت باسشىسى بارلىق ورتالىق مەملەكەتتىك ورگاندارعا بيىلعى جىلدىڭ سوڭىنا دەيىن ينتەرنەت رەسۋرستاردىڭ بىرىڭعاي پلاتفورماسىنا كوشۋدى اياقتاۋدى تاپسىردى.
«كەز كەلگەن حالىققا قىزمەت كورسەتۋ ورتالىعى اقپاراتتىق جۇيەلەردى ينتەگراتسيالاۋ جانە بيزنەس-پروتسەستەردى اۆتوماتتاندىرۋ ارقىلى قولجەتىمدى قىزمەتتەردىڭ بۇكىل سپەكترىن كەشەندى تۇردە كورسەتۋگە باعىتتالۋى كەرەك», — دەپ ا. مامين, تسيفرلىق دامۋ جانە ىشكى ىستەر مينيسترلىكتەرىنە تسيفرلىق جانە ميگراتسيالىق حالىققا قىزمەت كورسەتۋ ورتالىقتارىنىڭ جۇمىس تاجىريبەسىن بارلىق ارەكەت ەتىپ تۇرعان حقكو تاراتۋ جۇمىسىن پىسىقتاۋدى تاپسىردى.
پرەمەر-مينيستر «ازاماتتارعا ارنالعان ۇكىمەت» مەملەكەتتىك كورپوراتسياسىنا اۋداندارداعى, شاعىن قالالارداعى, اۋىلدارداعى ازاماتتاردى تسيفرلىق تەحنولوگيالاردى قولدانۋ ارقىلى قاشىقتان وقىتۋ قۇرالدارىن پىسىقتاۋ قاجەتتىگىن تاپسىردى.
«جالپى بۇل شارالار سۇرانىسقا يە قىزمەتتەردىڭ قولجەتىمدىلىگى مەن ساپاسىن جانە دە ەلەكتروندىق سەرۆيستەردىڭ تيىمدىلىگىن جوعارىلاتۋعا مۇمكىندىك بەرمەك», — دەدى ا. مامين.
