كوك بايراقپەن…قوقىس تاسيدى
سەيسەنبى, 17 ءساۋىر 2012 7:29
ەلدىكتى تانىتاتىن مەملەكەتتىك ءرامىزدىڭ ءبىرى – تۋ. ونىڭ دا كيەسى بار. اياققا تاپتاۋعا, قولجاۋلىق ەتۋگە بولمايدى. مۇنى قازاقستاننىڭ نامىسشىل, پاتريوتتىق سەزىمى جوعارى ءار ازاماتى ەستە ۇستاپ جۇرگەنى قۇپ. الايدا, كوك بايراعىمىزبەن قوقىس تاسىعاندى كورگەندە قانىڭ قايناماي تۇرا الا ما؟!
سەيسەنبى, 17 ءساۋىر 2012 7:29
ەلدىكتى تانىتاتىن مەملەكەتتىك ءرامىزدىڭ ءبىرى – تۋ. ونىڭ دا كيەسى بار. اياققا تاپتاۋعا, قولجاۋلىق ەتۋگە بولمايدى. مۇنى قازاقستاننىڭ نامىسشىل, پاتريوتتىق سەزىمى جوعارى ءار ازاماتى ەستە ۇستاپ جۇرگەنى قۇپ. الايدا, كوك بايراعىمىزبەن قوقىس تاسىعاندى كورگەندە قانىڭ قايناماي تۇرا الا ما؟!
اتىراۋدىڭ كوشەسىن قوقىستان تازارتىپ جۇرگەن ءۇش ازاماتتىڭ كوك بايراعىمىزبەن, ياعني, قازاقستاننىڭ مەملەكەتتىك ءرامىزىنىڭ ءبىرى – تۋمەن قوقىس تاسيدى! اتىراۋداعى «اقجايىق» گازەتى ءدال وسىنداي ماقالا جاريالادى. بۇلتارتپايتىن ايعاق رەتىندە بىرنەشە سۋرەتتى قوسا بەردى. سۋرەتتەردى ءاسيا ەسىمدى قاراكوز قارىنداسىمىز ۇيالى تەلەفونىنا ءتۇسىرىپ الىپتى.
بۇلار ءسىرا, قازاقستاننىڭ ازاماتتارى ەمەس. ويتكەنى, ءبىزدىڭ ەلدىڭ ازاماتتارى كوك بايراقتى بۇلاي قورلامايدى. سوندا كىم؟ قاي ەلدەن كەلگەن؟ قاي مەكەمەدە جۇمىس ىستەيدى؟ بۇلار قازاقتىڭ جەرىندە قازاقتىڭ كوك بايراعىمەن نەگە قوقىس تاسيدى؟ مىنە, وسى ساۋالدارعا كىم جاۋاپ بەرەدى؟
مۇنى «گاستاربايتەرلەردىڭ» تىرلىگى عوي دەپ, جىلى جابا سالۋعا بولمايدى. تاۋەلسىز ەلمىز, ءوز زاڭىمىز, ۇلتتىق نامىسىمىز بار. دەمەك, مەملەكەتتىك رامىزدەردى ءوزىمىز عانا ەمەس, وزگەگە دە سىيلاتا ءبىلۋ ءۇشىن كىنالىلەردى قاتاڭ جازاعا تارتۋ قاجەت. وزگەلەر ساباق الاتىنداي قاتاڭ جازالانعانى ءجون.
جولداسبەك شوپەعۇل,
اتىراۋ وبلىسى.
