قوعام • 22 قاراشا، 2019

ءبىرجان نۇرىمبەتوۆ ەلۋدەن استام ازاماتتى قابىلدادى

12 رەتكورسەتىلدى

«ازاماتتاردى قابىلداۋدىڭ بىرىڭعاي كۇنى» جالپىۇلتتىق ءىس-شاراسى اياسىندا پرەزيدەنت قاسىم-جومارت توقاەۆتىڭ «ەستيتىن مەملەكەت» تۇجىرىمداماسىنا كوشۋ جونىندەگى تاپسىرماسىن ىسكە اسىرۋ ماقساتىندا ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ 50-دەن استام ادامدى قابىلدادى. بۇل تۋرالى مينيسترلىكتىڭ ءباسپاسوز قىزمەتى حابارلادى. 

ەڭبەكمينىنىڭ باسشىسىنا اقمولا، الماتى، قىزىلوردا وبلىستارىنىڭ، سونداي-اق نۇر-سۇلتان، الماتى، سەمەي، قاراعاندى، تەمىرتاۋ، قوستاناي جانە كوكشەتاۋ قالالارىنىڭ تۇرعىندارى جەكە سۇراقتارىن قويدى.

وتىنىشتەردىڭ باسىم بولىگى مۇگەدەكتىگى بار ادامداردى الەۋمەتتىك قورعاۋ، ونىڭ ىشىندە ولاردى تەحنيكالىق وڭالتۋ قۇرالدارىمەن قامتاماسىز ەتۋ ماسەلەلەرىنە قاتىستى بولدى. سونىمەن قاتار، ازاماتتار اتاۋلى الەۋمەتتىك كومەك كورسەتۋگە، بورىش جۇكتەمەسىنىڭ تومەندەۋىنە، زەينەتاقى مەن جاردەماقى تاعايىنداۋعا، بيزنەس اشۋعا گرانت الۋعا، ەڭبەك قۇقىقتارىنىڭ بۇزىلۋىنا بايلانىستى سۇراقتار قويدى.

جۇگىنۋشىلەردىڭ بارلىق وتىنىشتەرى مەن ۇسىنىستارىن تىڭداعان ءبىرجان نۇرىمبەتوۆ ناقتى تۇسىنىكتەمەلەر بەردى جانە ءتيىستى ۆەدومستۆولارعا ەڭبەكمينىنىڭ قۇزىرەتىنە كىرەتىن ماسەلەلەردى قولدانىستاعى زاڭناما اياسىندا شەشۋگە كومەكتەسۋدى تاپسىردى.

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

جامبىلدىق ەرىكتىلەر جاراپ تۇر

ايماقتار • بۇگىن، 16:30

ۇقساس جاڭالىقتار