ايماقتار • 22 قاراشا، 2019

تۇرعىندار قاۋىپسىزدىگى – باستى نازاردا

20 رەتكورسەتىلدى

الماتى اكىمى باقىتجان ساعىنتاەۆ ىشكى ىستەر ءمينيسترى ەرلان تۇرعىمباەۆتىڭ قاتىسۋىمەن قوعامدىق قاۋىپسىزدىكتى قامتاماسىز ەتۋ جانە جول-كولىك وقيعالارىنىڭ الدىن الۋ ماسەلەلەرى بويىنشا كەڭەس وتكىزدى.

«قوعامنىڭ باستى تالابى – ساپالى جانە قولجەتىمدى مەديتسينالىق قىزمەت، ءبىلىم مەن قوعامدىق قاۋىپسىزدىك. ءبىز وسىلاردى قامتاماسىز ەتۋگە ءتيىسپىز. ادام ءومىرىن اقشامەن ولشەۋگە بول­مايدى. قالانىڭ كولىك ينفراقۇرىلىمى قوزعالىستىڭ بارىن­شا قاۋىپسىزدىگىن قامتاما­سىز ەتۋ ءۇشىن بارلىق جاعداي­لار­دى جاساۋى قاجەت»، دەدى كەڭەستى اشقان باقىتجان ساعىنتاەۆ.

باسقوسۋدا قىزمەت كورسەتۋدىڭ سەرۆيستىك ۇلگىسىنە باسىمدىق بەرە وتىرىپ، الماتى پوليتسيا­سى­نىڭ جۇمىسىن قايتا قۇرۋ ماسە­لەسى كەڭىنەن ءسوز بولدى. ۋچاس­كەلىك ينسپەكتورلار، پاترۋل­دەر قالا تۇرعىندارى مەن قوناق­تارىنا كەز كەلگەن جاعداي­دا كومەك كورسەتۋگە ءتيىس. ىشكى ىستەر ءمينيسترى پوليتسيانىڭ جەدەل باسقارۋ ورتالىعىن مودەر­ني­زاتسيالاۋ جانە جبو-دا ۆيدەو­باقىلاۋ جۇيەسىن ينتەگراتسيا­لاۋ جوسپارلارى تۋرالى ايتىپ، الىپ مەگاپوليستەگى جول وقيعا­لارى ەرەكشە نازار اۋدارۋدى قا­جەت ەتەتىندىگىن العا تارتتى. سوڭعى مالىمەتكە سۇيەنسەك، جىل باسىنان بەرى الماتىدا 4 مىڭ­عا جۋىق جول-كولىك وقيعاسى تىر­كەل­گەن.

ء «بىز قازىرگى كەزدە حالىق سانى مەن اۆتوموبيل ترافيگىنىڭ كوپ بولۋىنا قاراماستان پارمەندى شارالاردى قولدانا وتىرىپ، جولدارداعى اپاتتار مەن ءولىم-ءجىتىمدى كۇرت ازايتقان شەتەلدىڭ تاجى­ريبەسىن بەلسەندى تۇردە ۇيرە­نۋ­دەمىز»، دەپ اتاپ ءوتتى ەرلان تۇر­عىمباەۆ.

قالا اكىمدىگى قۇقىقتىق ءتار­تىپتى قامتاماسىز ەتۋدە، ونىڭ ىشىندە زاماناۋي مەگاپوليستەردىڭ وزىق تاجىريبەسىن پايدالانا وتىرىپ، جول ينفراقۇرىلىمىن قايتا قۇرۋ جونىندە پوليتسيانىڭ باستامالارىن قولدايتىن بولادى. بۇلار – «ۆافەلدى» بەل­گى­لەر، جولاقتار بويىنشا بۇرى­لىس­تارداعى قوزعالىس­تاردىڭ نۇك­تەلەرى، قوسىمشا باعدارشامدار جانە ماگيسترالدى كوشەلەردەگى بولگىش قورشاۋلار. شاھار باسشىسى قالالىق موبيلدىلىك باس­قارماسىنا بۇل ماسەلەنى پوليتسيا دەپارتامەنتىمەن بىرلەسە شەشۋدى تاپسىردى.

 تاڭنىڭ اتىسىنان كۇننىڭ باتىسىنا دەيىن كولىك ءنوپىرى تولاستامايتىن الىپ مەگاپوليس كوشەلەرىنە قويىلعان «سەر­گەك» بەينەباقىلاۋ قۇرىلعى­لارىن قولدانۋ ءوز تيىمدىلىگىن كور­سەتكەن. پوليتسيا دەپارتامەنتى وكىلدەرىنىڭ پىكىرىنشە، مۇنداي بەكەتتەردىڭ كوپ بولۋى كولىك جۇر­گىزۋشىلەرىن تارتىپكە شاقىرادى. ايىپپۇل تولەۋ كەزىندەگى ادامي فاكتورلار جويى­لىپ، ءتارتىپ بۇزۋشىلىق اۆتوماتتى تۇردە بىردەن مالىمەتتەر بازاسىنا تۇسەدى جانە كولىك يەسىنە جىبەرىلەدى. بۇل كامەرالار جول-كولىك وقيعالارىن ازايتۋعا دا سەپتىگىن تيگىزگەن.

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار