پارلامەنت • 21 قاراشا، 2019

س. ەڭسەگەنوۆ ءىس-ساپارمەن سانكت-پەتەربۋرگكە باردى

55 رەتكورسەتىلدى

سەناتور سارسەنباي ەڭسەگەنوۆ سانكت-پەتەربۋرگتە تمد پاا مەملەكەت قۇرىلىسى جانە جەرگىلىكتى ءوزىن-ءوزى باسقارۋ تاجىريبەسىن زەردەلەۋ جونىندەگى تۇراقتى كوميسسياسىنىڭ وتىرىسىنا قاتىستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

«وتىرىستا كوميسسيا توراعاسىنىڭ ورىنباسارلارى سايلاندى. تمد-عا قاتىسۋشى مەملەكەتتەرگە ارنالعان ۇلگى سايلاۋ كودەكسىنىڭ، «پارلامەنتتىك باقىلاۋ تۋرالى»، «وڭىرلىك ينۆەستيتسيالىق جوبالار تۋرالى»، «مەملەكەتتىك ماراپاتتار تۋرالى» ۇلگى زاڭداردىڭ، داعدارىسقا قارسى رەتتەۋ قۇرالدارىن سالىستىرمالى-قۇقىقتىق تالداۋ، سونداي-اق تمد-عا قاتىسۋشى مەملەكەتتەردىڭ تۇراقتى جانە قاۋىپسىز دامۋ تۇجىرىمداماسىنىڭ جوبالارى كوميسسيا مۇشەلەرىنىڭ نازارىنا ۇسىنىلدى.

كوميسسيا مۇشەلەرى «جەرگىلىكتى ءوزىن-ءوزى باسقارۋدىڭ دەموكراتيالىق نەگىزدەرى» اتتى دوڭگەلەك ۇستەل وتىرىسىنىڭ قورىتىندىسىن، ۇلگى زاڭ شىعارۋ سالاسىنداعى ءوز قىزمەتىنىڭ الداعى باعىتتارىن، 2020 جىلعا ارنالعان جۇمىس جوسپارىن جانە كەزەكتى كەزەڭگە ارنالعان ۇلگى زاڭ شىعارۋدىڭ كەلەشەك جوسپارىنا ۇسىنىستاردى تالقىلادى.

شارا اياسىندا مەملەكەت قۇرىلىسى جانە جەرگىلىكتى ءوزىن-ءوزى باسقارۋ سالاسىنداعى زاڭنامالىق اكتىلەردى ازىرلەۋ كەزىندە قولدانىلاتىن تەرميندەر مەن ۇعىمدار سوزدىگىنىڭ جوباسىن دايىنداۋ جونىندەگى جۇمىس توبىنىڭ وتىرىسى بولدى. وتىرىستا جەرگىلىكتى ءوزىن-ءوزى باسقارۋدىڭ جاي-كۇيى، ونىڭ كەلەشەكتەگى دامۋى جانە رەسەي فەدەراتسياسىندا جەرگىلىكتى ءوزىن-ءوزى باسقارۋدى ۇيىمداستىرۋدى جەتىلدىرۋ جونىندەگى ۇسىنىستار تۋرالى مۋنيتسيپالدىق قۇرىلىمداردىڭ جالپى رەسەيلىك كونگرەسىنىڭ بايانداماسى قاتىسۋشىلاردىڭ نازارىنا ۇسىنىلدى»، دەلىنگەن حابارلامادا.

 
سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار