ۇكىمەت • 21 قاراشا، 2019

ەۋرووداق ەلشىلەرى قازاقستانمەن ساياسي جانە ەكونوميكالىق ىنتىماقتىستىقتىڭ كەلەشەگىن جوعارى باعالايدى

31 رەتكورسەتىلدى

قازاقستان رەسپرۋبليكاسى جانە ەۋروپالىق وداق اراسىنداعى ەكىجاقتى جانە كوپجاقتى وزارا ارەكەتتەسۋ ماسەلەلەرىنىڭ كەڭ اۋقىمى بۇگىن قازاقستان رەسپۋبليكاسى سىرتقى ىستەر ءمينيسترى مۇحتار تىلەۋبەردىنىڭ قازاقستان رەسپۋبليكاسىنداعى ەو ديپلوماتيالىق وكىلدىكتەرىنىڭ باسشىلارىمەن كەزدەسۋى بارىسىندا قاراستىرىلدى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

سىرتقىساياسي ۆەدومستۆوسىنىڭ باسشىسى قازاقستان ەۋروپالىق وداقپەن قالىپتاسقان بەلسەندى ساياسي ديالوگپەن، تاۋار اينالىمى جانە تىكەلەي ينۆەستيتسيالاردىڭ جوعارى سەرپىنىمەن سيپاتتالاتىن دوستىق قاتىناستاردى ەرەكشە باعالايتىنىن اتاپ ءوتتى.

مينيستر جاقىن ۋاقىتتا ەو-نىڭ بارلىق 28 مۇشە-مەملەكەتتەرىمەن راتيفيكاتسيالانعان قازاقستان رەسپۋبليكاسى مەن ەۋروپالىق وداق اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمدى (كاىك) جانە ءۇ.ج. ماۋسىمدا قابىلدانعان ورتالىق ازيا ەلدەرىمەن ءوزارا قارىم-قاتىناستارى بويىنشا ەو-نىڭ جاڭا ستراتەگياسىنا وڭ باعا بەردى.

ەۋروپالىق ديپلوماتتار قازاقستان رەسپۋبليكاسىندا ءجۇرىپ جاتقان ساياسي، ەكونوميكالىق جانە الەۋمەتتىك رەفورمالارعا جوعارى باعا بەرىپ، پرەزيدەنت قاسىم-جومارت توقاەۆتىڭ قازاقستان حالقىنا ارناعان جولداۋىندا ايقىندالعان باستامالارىنىڭ العا باسۋشىلىعىن اتاپ ءوتتى. 

ديپلوماتتار اتالعان ستراتەگيالىق ماڭىزدى قۇجاتتاردىڭ جۇزەگە اسىرىلۋىنىڭ ينستيتۋتسيونالدىق جانە قارجىلىق اسپەكتىلەرىن، سونداي-اق ەو-ورتالىق ازيا باعىتى بويىنشا ىنتىماقتاستىقتىڭ پەرسپەكتيۆالىق سالالارىنىڭ دامۋ جولدارىن تالقىلادى. قازىرگى تاڭدا قازاقستان تاراپىنىڭ كاىك-تىڭ الەۋەتىن اشۋعا باعىتتالعان «جول كارتاسىن» پىسىقتاۋ جۇمىسى اتالىپ ءوتىلدى.

ءۇ.ج. مامىر ايىندا ەۋروپالىق كەڭەس پرەزيدەنتى دونالد تۋسكتىڭ نۇر-سۇلتانعا رەسمي ساپارى بويىنشا ناتيجەلەرىنىڭ جۇزەگە اسىرىلۋىنا، سونىڭ ىشىندە تۇڭعىش پرەزيدەنت -­ ەلباسى ن.نازارباەۆپەن جانە پرەزيدەنت ق.توقاەۆپەن ەكىجاقتى كەلىسىمدەرىنە بولەك نازار اۋدارىلدى. 

كوپجاقتى ىنتىماقتاستىقتىڭ كۇن ءتارتىبى بارىسىندا بىرقاتار ماسەلەلەر قاراستىرىلدى، اتاپ ايتقاندا، كليماتتىڭ وزگەرۋى، حالىقارالىق قاۋىپسىزدىك جانە ەەو، ەقىۇ، ەەىدۇ جانە ت.ب. سەكىلدى حالىقارالىق ۇيىمدار شەڭبەرىندەگى ءوزارا ارەكەتتەسۋ ماسەلەلەرى تالقىلاندى. ەو ەلشىلەرى قازاقستان پرەزيدەنتىنىڭ ءۇ.ج. قىركۇيەكتە بۇۇ باس اسسامبلەياسىندا بايانداعان حالىقارالىق كۇن ءتارتىبى بويىنشا ۇسىنىستارىن جوعارى باعالادى. سونىمەن قاتار، حالىقارالىق دەڭگەيدە ەلىمىزدى كورنەكتى «ويىنشىعا» اينالدىرعان جانە بارلىق جاھاندىق ارىپتەستەرمەن سىندارلى قارىم-قاتىناستى ساقتاۋعا مۇمكىندىك بەرگەن قازاقستاننىڭ بەلسەندى سىرتقى ساياساتى ەلشىلەر تاراپىنان جەكە اتالىپ ءوتتى. اتاپ ايتقاندا، قازاقستاننىڭ جاھاندىق جانە ايماقتىق قاۋىپسىزدىكتى قولداۋعا باعىتتالعان باستى ءرولى، سونىڭ ىشىندە قازاقستان رەسپۋبليكاسىنىڭ يادرولىق قارۋدى تاراتپاۋ، گۋمانيتارلىق وپەراتسيالار جۇرگىزۋ، اۋعانستانعا كومەك كورسەتۋ سالالارىنداعى ۇلەسى ەرەكشە اتالىپ ءوتتى.

سىرتقىساياسي ۆەدومستۆو باسشىسى ساۋدا، اۋىل شارۋاشىلىعى، كولىك، لوگيستيكا، قورشاعان ورتا، ءبىلىم بەرۋ، قۇقىقتىق رەفورمالار، شاعىن جانە ورتا بيزنەستى قولداۋ سالالارىنداعى جان-جاقتى بايلانىستاردىڭ تەرەڭدەتۋگە باعىتتالعان باستامالارعا قازاقستان قىزىعۋشىلىق بىلدىرەتىنىن اتاپ ءوتىپ، بۇل باعىتتار بويىنشا ەۋروپالىق ارىپتەستەردى قر-مەن بەلسەندى ىنتىماقتاستىققا شاقىردى. 

ساۋدا-ەكونوميكالىق جانە ينۆەستيتسيالىق ىنتىماقتاستىقتى، سونداي-اق مادەنيەت، تولەرانتتىق ءداستۇر جانە ءوزارا تۇسىنۋشىلىك بايلانىستاردى ارتتىرۋعا سەپتىگىن تيگىزەتىن ەو-مەن ۆيزالىق رەجيمدى جەڭىلدەتۋ - كەلىسسوزدەردىڭ باستى تاقىرىبى بولدى. 

كەزدەسۋدىڭ قورىتىندىسى بويىنشا قازاقستانداعى ەو-نىڭ ەلشىسى سۆەن-ولوۆ كارلسسون پرەمەر-مينيستر اسقار ءماميننىڭ توراعالىعىمەن ەۋروپالىق ديپلوماتتارمەن ساۋدا-ەكونوميكالىق ىنتىماقتاستىعى بويىنشا سالالىق كەزدەسۋلەردىڭ ۇيىمداستىرىلۋى تۋرالى قازاقستاندىق تاراپتىڭ جاڭا باستامالارىن جوعارى باعالادى. ونىڭ ايتۋىنشا، اتالعان ءىس-شارالار «وي-پىكىرلەرمەن الماسۋعا»، سونداي-اق ەكى تاراپتىڭ ماقساتتارىن تۇسىنۋگە، ەلدەگى ىسكەرلىك كليماتتىڭ ودان ءارى جاقسارۋىنا ءوزارا ءتيىمدى شەشىمدەردى پىسىقتاۋعا جانە ەكونوميكالىق ىنتىماقتاستىقتىڭ پەرسپەكتيۆتى باعىتتارىن ايقىنداۋعا مۇمكىندىك بەرەتىنىن اتاپ ءوتتى. 

تاراپتار سىرتقى ىستەر ءمينيسترىنىڭ قاتىسۋىمەن ەو مەن قازاقستان رەسپۋبليكا اراسىنداعى ىنتىماقتاستىق الەۋەتىن ىسكە اسىرۋ ماقساتىندا وسى فورماتتاعى تۇراقتى جۇمىس بايلانىستارىن جالعاستىرۋعا كەلىستى. 

سوڭعى جاڭالىقتار

قوبىز بىزگە قاي داۋىردەن جەتكەن؟

رۋحانيات • بۇگىن، 11:09

الماتىدا كىتاپ كورمەسى اشىلدى

رۋحانيات • بۇگىن، 10:56

كۇلكى كەرۋەنى № 23

رۋحانيات • بۇگىن، 09:32

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

ۇقساس جاڭالىقتار