پرەزيدەنت • 21 قاراشا، 2019

پرەزيدەنت «Egemen Qazaqstan» گازەتىنىڭ 100 جىلدىق مەرەيتويىنا وراي قۇتتىقتاۋ جولدادى

114 رەتكورسەتىلدى

ەلىمىزدىڭ باس باسىلىمىنىڭ مەرەيتويىنا وراي ءوتىپ جاتقان سالتاناتتى شارادا مەملەكەت باسشىسى قۇتتىقتاۋىن مەملەكەتتىك حاتشى قىرىمبەك كوشەرباەۆ وقىپ بەردى.

 

«Egemen Qazaqstan» گازەتىنىڭ ۇجىمىن گازەتتىڭ 100 جىلدىق مەرەيتويىمەن شىن جۇرەكتەن قۇتتىقتايمىن! بۇل ءبىر ۇجىمعا عانا ەمەس بۇكىل ەلىمىزگە ورتاق قۋانىش. «Egemen Qazaqstan» اۋەل باستان ۇلتتىق مۇددەنى، ەلدىك مۇراتتى جانە رۋحاني قۇندىلىقتارىمىزدى دارىپتەپ، قازاق ءباسپاسوزىنىڭ قارا شاڭىراعىنا اينالدى. 100 جاساعان گازەتتىڭ ەگەمەندى ەل بولۋ جولىندا جاساعان جۇمىسى ۇشان-تەڭىز»، دەپ اتاپ وتەدى مەملەكەت باسشىسى.

1

قازاقستان پرەزيدەنتى سماعۇل سادۋاقاسوۆ، جۇسىپبەك ايماۋىتوۆ، مۇقتار اۋەزوۆ، بەيىمبەت مايلين، ساكەن سەيفۋللين، تۇرار رىسقۇلوۆ سياقتى الاش ارىستارى باسقارعان باسىلىم ءاردايىم قازاقتىڭ رۋحىن بيىك ۇستاعاندىنا باسا نازار اۋدارتادى. «گازەت ۇجىمى كەڭەس زامانىنىڭ وزىندە انا ءتىلىمىز بەن ۇلتتىق سانامىزدى ساقتاۋعا، ءتول مادەنيەتىمىز بەن تاريحىمىزدى ناسيحاتتاۋعا، ەلدىگىمىزدى نىعايتۋعا ولشەۋسىز ۇلەس قوستى. «Egemen Qazaqstan» تاۋەلسىزدىكتىڭ ەلەڭ-الاڭىندا دا شەرحان مۇرتازا مەن ءابىش كەكىلباەۆتاي ءبىرتۋار ازاماتتاردىڭ باسشىلىعىمەن مەملەكەت ىرگەسىن بيىكتەتۋگە اتسالىستى.

قازاقستاننىڭ شەجىرەسى باس باسىلىمنىڭ تاريحىمەن قاتار ءوربىدى. تاۋەلسىزدىك تاڭى اتقالى گازەتتىڭ ءار سانىندا ەلباسىنىڭ بارلىق باستامالارى مەن شەشىمدەرى، مەملەكەتتىك ماڭىزى بار ءىس-شارالار باياندالدى. وسى يگى ءۇردىس جاڭعىرۋدىڭ جاڭا كەزەڭىندە جالعاسىن تاۋىپ، ەگەمەندىكتەر تاۋەلسىزدىگىمىزدىڭ باياندى بولۋى جولىندا جەمىستى قىزمەت ەتە بەرەدى دەپ سەنەمىن. عۇمىرى عاسىرمەن ولشەنەتىن گازەتتىڭ تورقالى تويى قۇتتى بولسىن»، دەدى قاسىم-جومارت توقاەۆ.

ءسوز سوڭىندا مەملەكەتتىك حاتشى مەرەيتويعا وراي قازاقستان پرەزيدەنتى قاسىم-جومارت توقاەۆتىڭ العىس حاتتارىن «Egemen Qazaqstan» گازەتىنىڭ باسقارما توراعاسى دارحان قىدىرالىگە، باسقارما توراعاسىنىڭ ورىنباسارى ەربولات قامەنگە، باس رەداكتوردىڭ ورىنباسارى تالعات باتىرحانعا، ساياسات ءبولىمىنىڭ مەڭگەرۋشىسى جولدىباي بازارعا جانە باسىلىمنىڭ اعا رەداكتورى زابيرا تولەشوۆاعا تابىستادى.

2

 

 

سوڭعى جاڭالىقتار

قوبىز بىزگە قاي داۋىردەن جەتكەن؟

رۋحانيات • بۇگىن، 11:09

الماتىدا كىتاپ كورمەسى اشىلدى

رۋحانيات • بۇگىن، 10:56

كۇلكى كەرۋەنى № 23

رۋحانيات • بۇگىن، 09:32

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

ۇقساس جاڭالىقتار