قازاقستان • 21 قاراشا، 2019

ەلباسى «Egemen Qazaqstan» گازەتىن 100 جىلدىق مەرەيتويىمەن قۇتتىقتادى

128 رەتكورسەتىلدى

ەلباسى نۇرسۇلتان نازارباەۆ «Egemen Qazaqstan» گازەتىنىڭ 100 جىلدىق مەرەيتويىنا وراي قۇتتىقتاۋ جولدادى. ەلىمىزدىڭ باس باسىلىمنىڭ مەرەيتويىنا وراي ءوتىپ جاتقان سالتاناتتى شارادا ەلباسى قۇتتىقتاۋىن قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆ وقىپ بەردى.



«ەلىمىزدىڭ جەتەكشى باسىلىمى، قازاق ءباسپاسوزىنىڭ قارا شاڭىراعى - «Egemen Qazaqstan» گازەتىنىڭ 100 جىلدىق مەرەيتويى قۇتتى بولسىن! ءبىر عاسىر بۇرىن «ۇشقىن» دەگەن اتپەن شىعا باستاپ، ۋاقىت وتە ۇلتتىق باسىلىمعا اينالعان تاۋەلسىز قازاقستاننىڭ اعا گازەتى ءوز پاراقتارىندا تاريح تاعىلىمىن ءداۋىر ۇنىمەن، ۋاقىت سىنىمەن بەينەلەپ، كەشەگى مەن بۇگىننىڭ اراسىن جالعاپ كەلەدى. جاڭالىقتى جۇرتشىلىققا جەدەل ءارى شىنايى تۇردە جەتكىزىپ، ەگەمەن ەلىمىزدىڭ مەملەكەتتىك ساياساتىن قالىڭ وقىرمان اراسىندا بايىپتى ناسيحاتتاپ، ەل شەجىرەسىن قاعازعا حاتتاعان بايىرعى باسىلىمنىڭ بەدەلى ءاردايىم بيىك»، دەپ اتاپ وتەدى تۇڭعىش پرەزيدەنت.

ەلباسى قۇتتىقتاۋ حاتىندا ۇلت مۇددەسى جولىندا ەڭبەك ەتكەن تالاي تۇعىرلى تۇلعالار باسشىلىق جاساپ، الىپتار نەگىزىن سالعان ءداستۇردى ابىرويمەن جالعاستىرعان «Egemen Qazaqstan» قازىرگى زامان تالابىنا ساي جاڭعىرىپ، عاسىرلىق تۋىن جاڭا جەتىستىكتەرمەن، تولايىم تابىستارمەن قارسى الىپ وتىرعاندىعىنا باسا نازار اۋدارادى.

«جەتەكشى ءباسپاسوز قۇرالىندا ەڭبەك ەتىپ جۇرگەن قالام يەلەرى جوعارى كاسىبي دەڭگەيىمەن تابىلىپ، باسىلىم الداعى ۋاقىتتا دا حالقىمىزدىڭ مۇرات-ماقساتى مەن قوعام دامۋىنا لايىقتى ۇلەسىن قوسا بەرەدى دەپ سەنەمىن»،- دەگەن نۇرسۇلتان نازارباەۆ باسىلىم ۇجىمىنا زور دەنساۋلىق، شىعارماشىلىق تابىستار تىلەدى.

 

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار