قازاقستان • 21 قاراشا، 2019

ەلوردالىق ۆولونتەرلار تۇرعىندارعا ىستىق شاي ۇسىندى

42 رەتكورسەتىلدى

تاڭەرتەڭنەن باستاپ بەلسەندى جاستار شاعىن اۆتوبۋسپەن قالانى ارالاپ، ەلوردا تۇرعىندارىنا ىستىق شاي تاراتتى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.


قىتىمىر ايازدىڭ كەلۋى مەن اۋا-رايىنىڭ ناشارلاۋىنا بايلانىستى جاستار مەن بەلسەندىلەردەن قۇرالعان ەرىكتىلەر توبى #نۇرسۇلتانقايىرىمدىقالا اۋقىمدى اكتسياسىن ۇيىمداستىردى.

قار تۇسكەلى بەرى سوڭعى ەكى اپتا بويى ەرىكتىلەردەن قۇرالعان جەدەل توپتار زەينەتكەرلەرگە، جالعىز باستى قاريالارعا اۋلا اۋماقتارىن قاردان تازارتۋعا كومەكتەسىپ، قاتتى اياز كۇندەرى ادامدار كوپ جينالاتىن جەرلەردە - بازارلاردا، ايالداما كەشەندەرىندە جانە ت.ب. ىستىق شاي تاراتادى.

سونداي-اق بەلسەندىلەر اۆتوكولىك يەلەرىن ءبىرىنشى كەزەكتە بالالارى بار ايەلدەر مەن قارت ادامداردى تەگىن تاسىمالداۋعا شاقىرادى. تاڭعى ساعات 8:00-دەن 10:00-گە دەيىن، سونداي-اق كەشكى ساعات 18:00-دەن 20:00-گە دەيىن ورتالىقتىڭ 40 ەرىكتىسى قالانى ارالاپ، ايالدامالاردا شاي مەن كوفە تاراتتى. جاستار 1500-گە جۋىق قالا تۇرعىندارىن ىستىق سۋسىنمەن جىلىتتى. توڭىپ قالماۋ ءۇشىن ەرىكتىلەر اۋىسىممەن جۇمىس ىستەدى.  

«قازىرگى ۋاقىتتا قالادا اياز كۇشەيىپ جاتىر. مەكتەپتەردە ساباقتار توقتاتىلدى. وسىنداي مەيىرىمدى ءىس-ارەكەتتەرمەن ءبىز اينالاعا جىلىلىق، دوستىق اتموسفەراسىن جاسايمىز، جاستاردى ادامدارعا كومەكتەسۋگە ۇگىتتەيمىز. #نۇرسۇلتانقايىرىمدىقالا اكتسياسى وسى قىس مەزگىلىن تولىق قامتيتىن بولادى، سوندىقتان ءبىز بارشاڭىزدى اكتسياعا قوسىلۋعا جانە مۇقتاج جاندارعا كومەك كورسەتۋگە شاقىرامىز. الەۋمەتتىك جەلىلەردە #نۇرسۇلتانقايىرىمدىقالا حەشتەگىمەن جاقسى ىستەرىڭىزبەن ءبولىسۋىڭىزدى سۇرايمىز»، دەدى ۆولونتەر ينابات قادىرشا.


سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار