شارا بارىسىندا ء«ا.كەكىلباەۆتىڭ شىعارماشىلىق مۇراسى» اتتى سلايد-تۇساۋكەسەرىن كورسەتۋ ارقىلى ستۋدەنتتەر جازۋشىنىڭ ءومىر جولىمەن جانە شىعارماشىلىعىمەن تانىستى. جازۋشىنىڭ قازاق حالقىنىڭ رۋحاني دامۋىنا زور ۇلەس قوسقانى جايىندا ايتىلىپ, جازۋشى شىعارمالارى قازاق ادەبيەتىنىڭ قازىناسىن عانا ەمەس, سونىمەن قاتار الەمدىك ادەبيەتتىڭ دە قاتارىن تولىقتىرىپ جاتقانى اتاپ ءوتىلدى. وقىرماندار ءا.كەكىلباەۆتىڭ «اڭىزدىڭ اقىرى», «ۇركەر», «ەلەڭ-الاڭ», ء«بىر شوكىم بۇلت», «كۇي», «حانشا داريا حيكاياسى», «دالا باللادالارى» اتتى تۋىندىلارىنا قىسقاشا توقتالىپ ءوتتى. «ابىز اعا, ءابىش اعا» بەينەفيلمىن تاماشالاعاننان كەيىن ستۋدەنتتەر جازۋشىنىڭ شىعارماشىلىعى بويىنشا ماسەلەلەردى تالقىلاي كەلە, ءا.كەكىلباەۆتىڭ زور ەڭبەگى مەن ادەبي تالانتى ۇلتتىڭ رۋحاني جاڭعىرۋىنا باعىتتالعاندىعى جايىندا ءسوز قوزعاپ, بارلىق قاتىسۋشىلاردى جازۋشىنىڭ باي مۇراسىن وقۋعا شاقىردى. ورتالىق كىتاپحانا ماماندارىنىڭ ايتۋىنشا, ادەبي ساعات سوڭىندا ۇسىنىلعان « ۇلى دالانىڭ ۇلى پەرزەنتى» اتتى كىتاپ كورمەسىنە قويىلعان ادەبيەتتەرگە وقىرماندار قىزىعۋشىلىق تانىتقان.
