مەملەكەتتىك كىرىستەر دەپارتامەنتى م ۇلىك, جەر جانە كولىك سالىقتارىن تولەمەگەن جاعدايدا جەكە تۇلعالاردا سالىقتىق بەرەشەك جانە ءوسىمپۇل وتەۋ قاجەتتىلىگىن ەسكەرتەدى.
سالىقتىق بەرەشەك تۋرالى حابارلاما سالىق تولەۋشىگە سالىق بەرەشەگى ەسەپتەلگەن كۇننەن باستاپ 20 جۇمىس كۇنىنەن كەشىكتىرمەي جىبەرىلەدى. ەگەر دە حابارلاما العان كۇننەن باستاپ 30 جۇمىس كۇنىندە جەكە تۇلعا بەرەشەگىن وتەمەگەن جاعدايدا سالىق بەرەشەگىن ءوندىرىپ الۋ تۋرالى بۇيرىعى شىعارىلىپ, 5 جۇمىس كۇن ىشىندە جەكە تۇلعاعا جولدانادى.
ەگەر دە, جەكە تۇلعا سالىكتىق بۇيرىقتى العاننان كەيىن 5 جۇمىس كۇنى ىشىندە بەرەشەگىن وتەمەسە, اتالعان بۇيرىق سوت ورىنداۋشىلارعا ماجبۇرلەپ وندىرىلۋىنە جىبەرىلەدى. سوت ورىنداۋشى سالىكتىق بۇيرىقتى العاننان باستاپ ماجبۇرلەپ ءوندىرۋ جۇمىسىن باستايدى, جۇمىستى اتقارۋ بارىسىندا جەكە تۇلعانىڭ م ۇلىگىنە, جەر جانە كولىكتەرىنە, جەكە شوتتارىنا, سونىمەن قاتار شەت ەلدەرگە شىعۋىنا شەكتەۋ قويادى.
سونىمەن قاتار مەملەكەتتىك كىرىستەر دەپارتامەنتى جەكە تۇلعاعا سالىقتىق بەرەشەكتەرىن وتەۋدەن باسقا سوت ورىنداۋشىعا بەرەشەك سوماسىنىڭ 20% قىزمەتتىك اقىسىن تولەۋ قاجەتتىلىگى تۋىندايتىنىن ەسكەرتەدى.
