ەربول شايمەردەن ۇلىنىڭ «ساعىم داۋرەن» اتتى ولەڭدەر جيناعى جارىق كوردى

ادەبيەت • 19 قاراشا، 2019

ەربول شايمەردەن ۇلىنىڭ «ساعىم داۋرەن» اتتى ولەڭدەر جيناعى جارىق كوردى

اقىن، جازۋشى-پۋبليتسيست، ءرامىزتانۋشى، قازاقستان جازۋشىلار وداعىنىڭ مۇشەسى، قازاقستان رەسپۋبليكاسىنىڭ ەڭبەك سىڭىرگەن قايراتكەرى، «قۇرمەت» وردەنىنىڭ يەگەرى، رەسپۋبليكاداعى العاشقى ءباسپاسوز قىزمەتىن ۇيىمداستىرۋشىلاردىڭ ءبىرى ەربول شايمەردەن ۇلىنىڭ «ساعىم داۋرەن» اتتى ولەڭدەر جيناعى جارىق كوردى.

راۋان قايدار

سۋرەتتى تۇسىرگەن ەرلان وماروۆ

اتالعان جيناققا اقىننىڭ 1995 جىلى شىققان «كوڭىل سۋرەتى»، 2004 جىلى شىققان «جۇرەكتەگى جازۋلار» جىر جيناقتارىنان «سەنەمىن ساعان، جارىق كۇن»، «تەربەلەدى وي-بەسىك»، «جالعاسا بەر، جولدارىم»، «جانىمنىڭ جايىپ جاپىراعىن» اتتى تاراۋلارى، 2006 جىلى تولىقتىرىلىپ، قايتا باسىلعان «جۇرەكتەگى جازۋلار» كىتابى جانە 2013 جىلى شىققان التى تومدىق شىعارمالار جيناعىنىڭ ەكىنشى تومىنا ەنگەن جانە بۇرىن جاريالانباعان بىرنەشە جىرلارى ەنىپ وتىر.

اقىن ەربول شايمەردەن ۇلىنىڭ بۇل جىر جيناعى ايشىقتى ازاماتتىق ۇنىمەن، تەرەڭ وي سارىنىمەن، اق ادال سىرشىلدىعىمەن ەرەكشەلەنەدى. ادام مەن قوعام تۋرالى، ءومىر جايلى سەزىم مەن سەنىمنەن ورىلگەن سىرشىل تولعانىستار شىنايىلىعىمەن تارتىمدى. وتانشىلدىققا، ادالدىق پەن ارلىلىققا شاقىراتىن ويلى ولەڭ، وتتى جىرلار جىر سۇيەر قاۋىمنىڭ جۇرەگىنە جول تابار دەپ سەنەمىز.

جيناق قازاقستان رەسپۋبليكاسى مادەنيەت جانە سپورت مينيسترلىگىنىڭ ءتىل ساياساتى كوميتەتى «مادەنيەت جانە ونەر سالاسىنداعى باسەكەلەستىكتى جوعارىلاتۋ قازاقستاندىق مادەني مۇرانى ساقتاۋ، زەردەلەۋ مەن ناسيحاتتاۋ جانە مۇراعات ءىسىنىڭ ىسكە اسىرىلۋ تيىمدىلىگىن ارتتىرۋ» باعدارلاماسى «ادەبيەتتىڭ الەۋمەتتىك ماڭىزدى تۇرلەرىن ساتىپ الۋ، باسىپ شىعارۋ جانە تاراتۋ» كىشى باعدارلاماسى بويىنشا جارىق كوردى.