قازاقستان • 19 قاراشا، 2019

اسكەري قىزمەتشىلەر دابىل بويىنشا ءىس-قيمىلداردى پىسىقتادى

33 رەتكورسەتىلدى

اسكەري ءبولىمدى جاۋىنگەرلىك دايارلىقتىڭ جوعارى دەڭگەيىنە كەلتىرۋ الگوريتمى نۇر-سۇلتان قالاسىنداعى دەسانتتىق-شابۋىلداۋ بريگاداسىندا كورسەتىلدى. اسكەري قىزمەتشىلەر ءبولىم كەزەكشىسىنىڭ ءىس-قيمىلىنان باستاپ جاۋىنگەرلىك تەحنيكانىڭ شىعۋى جايلى ءىس-قيمىلدى ورىندادى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.

اسكەري قىزمەتشىلەر قورعانىس مينيسترىنە كەزەكشى بولىمشەنىڭ، ءبولىم بويىنشا كەزەكشىنىڭ ءىس-قيمىلدارىن، باقىلاۋ توبىنىڭ جۇمىسىن ۇيىمداستىرۋدى، جەكە قۇرامعا قارۋ-جاراق پەن م ۇلىكتى بەرۋدى، قارۋ-جاراق پەن اسكەري تەحنيكانى قىسقا مەرزىمدى ساقتاۋدان الىپ تاستاۋ ءتارتىبىن جانە جاۋىنگەرلىك تەحنيكانىڭ تۇراعىنان شىعۋىن كورسەتتى.

بولىمشە تولىقتىرۋدى قارسى الۋ پۋنكتىنىڭ جۇمىسى قالاي ۇيىمداستىرىلاتىنىن، جەرگىلىكتى اسكەري باسقارۋ ورگاندارىمەن ءوزارا ءىس-قيمىلدىڭ قالاي جۇرگىزىلەتىنىن پىسىقتادى.

ەستەرىڭىزگە سالا كەتەيىك، 18-21 قاراشا ارالىعىندا قورعانىس مينيسترلىگىندە قازاقستان قارۋلى كۇشتەرىنىڭ باسشىلىق قۇرامىمەن وقۋ-ادىستەمەلىك وقۋ-جاتتىعۋ جيىنى وتكىزىلۋدە. بۇل ءتۇرلى پىشىندەگى ءىس-شارالاردىڭ جيىنتىعى. اتاپ ايتقاندا كوماندالىق-شتابتىق اسكەري ويىن، نۇسقاۋلىق-ادىستەمەلىك ساباقتار، دارىستەر جانە تاكتيكالىق لەزدەمەلەر.

4

 

 

 

سوڭعى جاڭالىقتار

اۋىر اتلەتتەر كاتارعا اتتانادى

اۋىر اتلەتيكا • كەشە

كوپبالالىلارعا كومەك

ايماقتار • كەشە

كۇلكى كەرۋەنى № 22

رۋحانيات • كەشە

فاريزا اقىننىڭ ۇستازى

رۋحانيات • كەشە

ۇقساس جاڭالىقتار