قازاقستان • 19 قاراشا، 2019

قازاقستان-ازەربايجان پرەمەر-مينيسترلەرى كاسپي تەڭىزىنىڭ تۇبىندە سالىناتىن توبج قۇرىلىسىن اشتى

34 رەتكورسەتىلدى

پرەمەر-مينيستر اسقار مامين جانە ازەربايجان پرەمەر-ءمينيسترى الي اسادوۆ اقتاۋ قالاسىندا وتكەن كاسپي تەڭىزىنىڭ تۇبىندە ەكى ەل اراسىنداعى بايلانىستىڭ تالشىقتى-وپتيكالىق جەلىسىن (توبج) سالۋ بويىنشا «Trans Caspian Fiber Optic» (TCFO) سالۋدى باستاۋ سالتاناتتى راسىمىنە قاتىستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

جوبا ترانسقۇرلىقتىق بولا وتىرىپ، ەۋروپا مەن ازيا اراسىنداعى تسيفرلىق تەلەكوممۋنيكاتسيالىق ءدالىزدى قۇرادى. كاسپي تەڭىزىنىڭ تۇبىندە ۇزىندىعى 380-400 شاقىرىمعا جۋىق بولاتىن كابەل تارتۋ جۇمىستارىن «ترانستەلەكوم» اق، «KazTransCom» اق جانە «AzerTelecom» ازەربايجان بايلانىس وپەراتورى جۇزەگە اسىرادى. توبج 2021 جىلدىڭ سوڭىنا قاراي پايدالانۋعا بەرىلەدى، ول كەمىندە 4-6 تەرابيت/س سىيىمدىلىقپەن اقپاراتتاردى جەتكىزۋگە مۇمكىندىك بەرەدى.

«ازەربايجان – قازاقستاننىڭ ستراتەگيالىق سەرىكتەسى. قر تۇڭعىش پرەزيدەنتى – ەلباسى نۇرسۇلتان نازارباەۆ، ازەربايجان حالقىنىڭ جالپىۇلتتىق كوشباسشىسى گەيدار اليەۆ جانە ودان كەيىن ار پرەزيدەنتى يلحام اليەۆ دوستىق پەن ءوزارا ءتيىمدى ىنتىماقتاستىق قاعيدالارىن ورناتقان. قازاقستان پرەزيدەنتى ق. توقاەۆ ەلباسىنىڭ سىرتقى ساياسي باعدارىن جالعاستىرا وتىرىپ، ازەربايجانمەن ەكىجاقتى قارىم-قاتىناستى دامىتىپ، تەرەڭدەتۋگە ەرەكشە كوڭىل بولەدى»، — دەدى ا. مامين.  

قازاقستان ۇكىمەتىنىڭ باسشىسى «Trans Caspian Fiber Optic» بىرلەسكەن جوباسى دەرەكتەردى بەرۋدىڭ جىلدامدىعى جوعارى جانە قورعالعان ينفراقۇرىلىمىن دامىتۋدىڭ جوعارى دەڭگەيىنە شىعۋعا، جەتەكشى ەۋروپا-ازيا ماگيسترالدى باعىتتارىنىڭ قاتارىنا كىرۋگە جانە الەمدىك دەرەكتەر ترانزيتىندە لايىقتى ورىن الۋعا مۇمكىندىك بەرەتىنىن اتاپ ءوتتى. 

ا. مامين جانە ا. اسادوۆ ەكى ەلدىڭ ساۋدا-ەكونوميكالىق، ينۆەستيتسيالىق، كولىك-لوگيستيكالىق، اۋىل شارۋاشىلىعى، عارىش جانە مادەني-گۋمانيتارلىق سالالارداعى ىنتىماقتاستىعىنىڭ جاي-كۇيى مەن پەرسپەكتيۆالارىن تالقىلادى. 

ماڭعىستاۋ وبلىسىنا جۇمىس ساپارى اياسىندا پرەمەر-مينيستر ا. مامين مەتانول جانە ولەفين وندىرەتىن زاۋىت قۇرىلىسى جۇرگىزىلەتىن جەرگە كاپسۋلا سالۋ راسىمىنە قاتىستى. جوبانى سينگاپۋرلىق «WestGasOil» كومپانياسى جۇزەگە اسىرادى، ينۆەستيتسيالار كولەمى – $1،8 ملرد. زاۋىتتىڭ قۋاتتىلىعى – جىلىنا 300 مىڭ توننا مەتانول مەن 600 مىڭ توننا ولەفين. قۇرىلىس كەزەڭىندە 4000 جۇمىس ورنى قۇرىلادى، 2023 ج. پايدالانۋعا بەرىلگەن سوڭ كاسىپورىن پەرسونالى 650 ادامدى قۇرايتىن بولادى. 

ۇكىمەت باسشىسى «Aktau Resort Hotel» كوپفۋنكتسيونالدى قوناق ءۇي-تۋريستىك كەشەننىڭ سالىنۋ بارىسىمەن، سونداي-اق «كازازوت»، «Mangystau Oil Refining» كاسىپورىندارىنىڭ جانە «Maga-Bread» نان-توقاش زاۋىتىنىڭ جۇمىسىمەن تانىستى. 

ا. مامين ءا. كەكىلباەۆ اتىنداعى مادەني ورتالىققا بارىپ، قازاقستاننىڭ حالىق جازۋشىسىنىڭ مۋزەيى مەن مەموريالىن ارالادى. 

سوڭعى جاڭالىقتار

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

اۋىر اتلەتتەر كاتارعا اتتانادى

اۋىر اتلەتيكا • كەشە

كوپبالالىلارعا كومەك

ايماقتار • كەشە

كۇلكى كەرۋەنى № 22

رۋحانيات • كەشە

فاريزا اقىننىڭ ۇستازى

رۋحانيات • كەشە

ۇقساس جاڭالىقتار