نۇرلان نوعاەۆ ارمان باجەنوۆكە جەمىستى جۇمىسى ءۇشىن العىس ءبىلدىرىپ, الداعى باستامالارىنا ساتتىلىك تىلەدى.
وبلىس باسشىسى پرەزيدەنت اكىمشىلىگىمەن كەلىسىلگەن اۋدان اكىمى لاۋازىمىنا ۇمىتكەر – بۇعان دەيىن اتىراۋ وبلىسى قارجى باسقارماسى باسشىسى لاۋازىمىندا بولعان نۇرسۇلتان بيسەمبيەۆتى تانىستىردى.
دەپۋتاتتار جاڭا اكىمنىڭ ۇمىتكەرلىگىن قولداپ, ونى ىسكەر دە تاجىريبەلى باسشى رەتىندە بىلەتىندەرىن اتاپ ءوتتى.
نۇرسۇلتان بيسەمبيەۆ ماماندىعى بويىنشا ەسەپشى-اۋديتور جانە ەكونوميست. 2013 جىلدان 2017 جىلعا دەيىن اتىراۋ وبلىستىق رەۆيزيا كوميسسياسىندا وپەراتوردان باستاپ باس ينسپەكتور-باقىلاۋشىعا دەيىنگى ءارتۇرلى قىزمەتتەردى اتقاردى.
2017 جىلدىڭ مامىر ايىندا اتىراۋ وبلىسى قارجى باسقارماسى باسشىسىنىڭ ورىنباسارى لاۋازىمىنا تاعايىندالدى.
2017 جىلدىڭ 9 قازانىنان باستاپ بۇگىنگى كۇنگە دەيىن اتىراۋ وبلىسى قارجى باسقارماسىنىڭ باسشىسى بولىپ قىزمەت ەتتى.
