«زاڭ جوباسىنىڭ نەگىزگى ماقساتى – قازاقستان مەن تۇركيا اراسىنداعى تەڭ قۇقىقتىق جانە ءوزارا تيىمدىلىك قاعيداتتارى نەگىزىندە ۇزاق مەرزىمدى اسكەري ىنتىماقتاستىقتى ودان ءارى دامىتۋ. قۇجاتتى راتيفيكاتسيالاۋ قازاقستاننىڭ اسكەري سالاداعى مۇمكىندىكتەرىن كەڭەيتەدى جانە ەكى مەملەكەت اراسىنداعى اسكەري ىنتىماقتاستىقتى دامىتۋعا وڭ اسەر ەتەدى», دەپ اتاپ ءوتتى كوميتەت توراعاسى مۇحتار قۇل-مۇحاممەد.
قازاقستان رەسپۋبليكاسىنىڭ ۇكىمەتى مەن تۇرىك رەسپۋبليكاسىنىڭ ۇكىمەتى اراسىنداعى اسكەري ىنتىماقتاستىق تۋرالى كەلىسىمگە 2018 جىلعى 13 قىركۇيەكتە انكارادا قول قويىلعان بولاتىن.
زاڭ جوباسىن ازىرلەۋشىلەر ەكى ەل اراسىندا بىرلەسكەن وقۋ-جاتتىعۋلار مەن عىلىمي جانە تەحنيكالىق زەرتتەۋلەر جۇزەگە اساتىنىن, سونداي-اق قورعانىس ونەركاسىبى ماسەلەلەرى تالقىلاناتىنىن اتاپ ءوتتى.
قۇجاتتار پالاتانىڭ قاراۋىنا بەرىلدى.
