ايتۋلى سپورتشىنىڭ قانداي دا قۇرمەتكە لايىق ەكەنى داۋسىز. 30 قاراشادا 33 جاسقا تولعالى وتىرعان ولگا سەرگەيقىزى ءۇش قارعىپ سەكىرۋ جاتتىعۋى بويىنشا وليمپيا ويىندارىندا ءۇش مارتە جەڭىس تۇعىرىنا كوتەرىلدى. اتاپ ايتساق, 2008 جىلى بەيجىڭدە – كۇمىس, 2012 جىلى لوندوندا – التىن, 2016 جىلى ريو-دە-جانەيرودا – قولا مەدالدى موينىنا ءىلدى. الەم چەمپيوناتىندا ءبىر كۇمىس پەن قوس قولانى ولجالادى. جابىق عيماراتتا وتكەن دۇنيەجۇزىلىك دودادا التىننان القا تاعىنىپ, تاعى ەكى مارتە جۇلدەگەرلەر ساناتىنا قوسىلدى. ازيا ويىندارىندا ءتورت رەت تەڭدەسسىز دەپ تانىلدى. ونىڭ باسقا دا تولىپ جاتقان اتاقتارى تاعى بار.
داڭقتى وتانداسىمىزدىڭ ەل سپورتىنا سىڭىرگەن ەڭبەگى مەملەكەت تاراپىنان دا جوعارى باعالانىپ, ول «پاراسات», ەكىنشى دارەجەلى «بارىس» جانە «قۇرمەت» وردەندەرىمەن ماراپاتتالدى. مىنە, ەندى ولگا رىپاكوۆا قۇرامىنا 2012 مەملەكەتتىڭ ۇلتتىق فەدەراتسيالارى ەنگەن بەلدى ۇيىمنىڭ مۇشەسى بولىپ وتىر.
