مەموراندۋمعا سايكەس نۇر-سۇلتان قالاسىندا 1200 ورىنعا ارنالعان مەكتەپ تۇرعىزىلادى. مەكتەپتىڭ قۇرىلىس جۇمىستارىن «نۇرلى استانا» كورپوراتيۆتىك قورى باحرەين پاتشالىعىنىڭ پاتشالىق قايىرىمدىلىق قورىنىڭ قارجىلاندىرۋى ەسەبىنەن جۇزەگە اسىرۋ جوسپارلانعان.
قۇرىلىس اياقتالعاننان كەيىن مەكتەپ قالانىڭ كوممۋنالدىق مەنشىگىنە وتەدى. الدىن الا جاسالعان جوسپار بويىنشا مەكتەپ قۇرىلىسى 2021 جىلى اياقتالادى.
سونىمەن قاتار بۇل جوبا قۇرىلىسى اياقتالعاندا مەكتەپ ۇجىمىنا 100 جاڭا جۇمىس ورنىن اشۋعا مۇمكىندىك بەرەدى. اتالعان شارا قالا اكىمىنىڭ ورىنباسارى ماليكا بەكتۋروۆا مەن «Royal Charity Organization» باس حاتشىسى دوكتورا مۋستافا ال ساەد جانە «نۇرلى استانا» كورپوراتيۆتىك قورى ديرەكتورى شاحماردان جانبوسىنوۆتىڭ قاتىسۋىمەن ءوتتى.
اراب مەملەكەتتەرىنىڭ قارجىلاندىرۋىمەن مەملەكەتتىك مەكتەپتەر سالۋدىڭ تاجىريبەسى بۇرىننان بار. بۇگىندە بىرىككەن اراب امىرلىكتەرى مەن كاتار مەملەكەتىنىڭ قارجىلاندىرۋى ەسەبىنەن سالىنعان مەكتەپتەر ءساتتى جۇمىس ىستەپ جاتىر (2018 وقۋ جىلىنان باستاپ № 85 ليتسەي مەكتەبى جانە 2017 وقۋ جىلىنان باستاپ № 84 مەكتەپ).
