ەكونوميكا • 19 قاراشا، 2019

ەۋروپا قايتا قۇرۋ جانە دامۋ بانكى «كۇرتى-قاپشاعاي» جولىن قايتا جاڭارتۋ جوباسىن قارجىلاندىرادى

25 رەتكورسەتىلدى

يندۋستريا جانە ينفراقۇرىلىمدىق دامۋ مينيسترلىگىندە ەۋروپا قايتا قۇرۋ جانە دامۋ بانكى مەن «QazAvtoJol» ۇك» اق اراسىندا «كۇرتى-قاپشاعاي» جوباسى بويىنشا كرەديتتىك كەلىسىمگە قول قويۋ ءراسىمى ءوتتى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

قارىز سوماسى 34 479،7 ملن تەڭگەنى قۇرايدى. قارجى كۇرتى جانە قاپشاعاي ەلدى مەكەندەرى اراسىنداعى ۇزىندىعى 67 شاقىرىم بولاتىن جول ۋچاسكەسىن قايتا جاڭارتۋ جۇمىستارىنا باعىتتالادى. اتالمىش جول – ورتالىق-وڭتۇستىك ءدالىزىنىڭ  بولىگى. بۇل ءبىزدىڭ ەل ءۇشىن ءىرى جوبا. ول – رەسپۋبليكانىڭ سولتۇستىگى مەن وڭتۇستىگىن بايلانىستىراتىن بۋىن.

««سينتسزيان كونستراكشن» كومپانياسى اتالعان جوبانىڭ مەردىگەرى بولماق. ءبىز بانكپەن كەلىسسوزدەردى جۇرگىزە وتىرىپ، كونكۋرستى دا وتكىزگەن بولاتىنبىز. مەردىگەر كومپانيامەن كەلىسىمشارت جاساستىق. جوبانى ىسكە اسىرۋعا كىرىسە الامىز»، دەدى  «QazAvtoJol» ۇك» اق باسقارما توراعاسى ۇلان ءالىپوۆ.

ايتا كەتۋ كەرەك، ەققدب قازاقستان رەسپۋبليكاسىنداعى ينفراقۇرىلىمدىق جوبالاردى قارجىلاندىرۋدا بەلسەندىلىك تانىتۋدا. ماسەلەن، بانكتىڭ ات سالىسۋىمەن جول سالاسىندا «باتىس ەۋروپا – باتىس قىتاي» ترانزيتتىك ءدالىزىنىڭ بويىندا جاتقان 2 جوبا  جۇزەگە اسىرىلدى. جوبالاردىڭ جالپى سوماسى – 322 ملن دوللار. اتاپ ايتقاندا، بۇل: ۇزىندىعى 102 شاقىرىمدى قۇرايتىن اقتوبە – مارتۇك جانە ۇزىندىعى 62 شاقىرىمدى قۇرايتىن «تاشكەنت – شىمكەنت» جولدارى.

«QazAvtoJol» ۇك» اق «كۇرتى – بۋرىلبايتال» اۆتوموبيل جولىن قايتا جاڭارتۋعا جالپى سوماسى 196 ملن. دوللار بولاتىن زايم تۋرالى كەلىسىمگە قول قويدى. جولدىڭ ۇزىندىعى – 143 شاقىرىم. بۇگىنگى تاڭدا قۇرىلىس-مونتاجداۋ جۇمىستارى جۇرگىزىلىپ جاتىر.

سونىمەن قاتار بيىل اتىراۋ قالاسىنىڭ سولتۇستىك اينالما جولىن قوسا العاندا، «اتىراۋ – رف شەكاراسى (استراحانعا)» جولىن قايتا جاڭارتۋعا جالپى سوماسى 103،7 ملرد تەڭگە بولاتىن زايم تۋرالى كەلىسىمگە قول قويىلعان بولاتىن. جولدىڭ ۇزىندىعى 243 شاقىرىمدى قۇرايدى.

كەزدەسۋ سوڭىندا قازاقستانداعى ەققدب ديرەكتورى اگريس پرەيمانيس قر يدم-گە العىسىن ايتىپ، الداعى ۋاقىتتا ءوزارا ىنتىماقتاستىڭ كەڭەيە تۇسەتىندىگىنە سەنىمىن ءبىلدىردى.

سوڭعى جاڭالىقتار

اۋىر اتلەتتەر كاتارعا اتتانادى

اۋىر اتلەتيكا • كەشە

كوپبالالىلارعا كومەك

ايماقتار • كەشە

كۇلكى كەرۋەنى № 22

رۋحانيات • كەشە

فاريزا اقىننىڭ ۇستازى

رۋحانيات • كەشە

ۇقساس جاڭالىقتار